وايه كمان يا حبيبتشي
السلام عليكم
انا مدام عندي ٣٣ سنة
اتجوزت وانا ١٦ سنه وخلفت وانا ١٩ واطلقت وانا عندي ٢٣ سنه
روحت اعيش عند اهلي طبعا الام والاب منفصلين وكل حد فيهم متجوز المهم جوز امي رفض اني اعيش مع امي ومرات ابويا رفضت اني اعيش مع ابويا المهم اشتغلت وجمعت لنفسي تمن شقة واستقليت فيها انا وبنتي جه ابويا ماټ وعملت المعاش بتاعه من سنه ف خلال السنة دي انا كنت عايشة مع ماما بعد ماهي اطلقت من زوجها التاني وبعد ذن والحاح منها اني اعيش معاها عشان متبقاش هي عايشه لوحدها وهي كبيرة ف السن سبت شقتي اللي كنت مأجراها وروحت اعيش مع ماما لقيتها غيرت كل اسلوب علمته لبنتي من الاحسن للاسوأ وانا طبعا كنت بشتغل ف مكنتش مركزة اوي يعني وقولت ان ماما اكتر واحدة هتخاف على بنتي لقيت البنت هي حاليا ١٤ سنه بتكلم شباب واسلوب ردها بقى قليل الادب اوي ومفيش عندها اي تفرقه بين شخص كبير وصغير المهم انا رفضت الاسلوب ده وسبت الشغل وقولت لبنتي هربيكي من اول وجديد لقيت امي وقفت ف النص بينا قالتلي لو فكرتي تضربيها هتضربيني انا الاول فقعدت اتكلمت مع امي بالراحة وفهمتها ان ده مينفعش وانها لازم تعرف الصح من الغلط طبعا الكلام معجبش امي واني ازاي اعدل عليها وعلي تربيتها ف عملت مشكلة كبيرة معايا وطردتني من عندها الفجر وانا طبعا مليش شقة وكمان مفيش شغل نزلتني من بيتها الساعة ٣ الفجر بإهانه وڤضيحة فضلت ف الشارع لحد ٤ ٣٠ الفجر بعيط ومش عارفه اعمل ايه ولا اروح فين اتصلت بشخص اعرفه هو شخص كويس جدا بصراحة وقف جمبي طبعا ومسبنيش ف الشارع طلعني بيته وراح هو بات ف مكان تاني فضل شهر على الحال ده يجيبلي كل طلباتي ويمشي وبس هو قالي لو فكرتي ترجعي لامك او لبنتك تاني حتى لو زيارة متجيش البيت ده تاني وانا بصراحة بحاول اطمن على امي وبنتي من بعيد برغم اللي امي عملته معايا بس بتوحشني اوي وبنتي كمان بنام احلم بيها كل يوم انها محتجالي بس انا خاېفه ارجعلهم امي تطردني تاني ولو روحت مش هعرف ارجع للشخص ده تاني وانا تعبت اوي اوي من كتر الشغل مبقتش قادرة لا نفسيا ولا جسمانيا
مش عارفه اعمل ايه
