الله يخربيت الجواز على اللي عايز يتجوز

السلام عليكم 
دلوقتي يا جماعه انا متجوز من شهرين جواز صالونات وكنت مسافر طول الخطوبه ونزلت قبل الجواز باسبوعين واتجوزت وسافرت تاني بعد ٤٥ يوم انا مشكلتي دلوقتي ان العروسه ديه معجبتنيش خالص خالص ووصلت لدرجه القفل والقرف منها ومش راضي عن اختياري ده نهائي يا جماعه انا مش طايقها ولا متصور  ان ديه هتبقى مراتي طول العمر حرفيا اټصدمت فيها صدمة عمري انا استعجلت يجد بسبب ضغوطات كانت عليا  من اهلي وللأسف اختيارهم طلع غلط وانا كمان غلطت اني وافقتهم ممكن يكون الطلاق ظلم لها بس لو خلتها معايا هيكون ظلم لها اكبر وليا انا كمان والحمد لله انها محملتش لاني كنت حريص على كده لما اټصدمت فيها ومش هقدر اقول على اللي مضايقني منها عشان هي مراتي لكن انا عاوز أطلقها عشان اشوف واحده بموصفات احلى شكل وجسم ونضافه وبتعرف تلبس وبتعرف تطبخ الاكلات الحديثه بعيد عن الاكلات التقليدية وعلى فكرة انا قولتلها قبل ما امشي ان مش هقدر اكمل معاكي انا اتسرعت في الجواز منك طبعا هي اټصدمت وقالت ازاي اطلق بعد شهرين جواز  حرام عليك ديه تبقى ڤضيحه ليا ولاهلي طيب قولي ايه اللي مش عاجبك فيا وانا اغيره على ما  تنزل المره اللي جايه اوعدك تلاقيني واحده تانيه ومتاخدنيش معاك غير لما اكون اتغيرت وراضي عني وانا والله ما قادر انا عندي 35 سنه من وانا عندي 23 سنه وانا في بلد اوربي وكل الاغراءات حواليا بس انا عمري ما عملت حاجه حرام وكنت عاوز اعف نفسي في الغربه بس للأسف اټصدمت ومكنش ينفع ما تمش ال جواز لاعتبارات تانيه كتير اوي فكان لازم اتمم الجواز فانا دلوقتي عاوز انهي الجوازه ديه هل ينفع دلوقتي احسن ولا استنى كام شهر تاني ولا ايه الصح من رايكم 

ممكن الناس اللي بتسافر وحصل معاها موقف زي ده تقولي اتصرفت ازاي لاني اكيد مش اول واحد يحصل فيه كده ونهت الموضوع ازاي مع العلم اني احتمال تكون نفسي انسدت عن الجواز خالص وهيعيش كده احسن بلا هم وتعب نفسي وضغوط من كل جانب بس انا برجع واقول ممكن المره الجايه  انا اللي اختار لاني استاهل واحده احسن من كده بمراحل