عين العقل يا عيلة ......
السلام عليكم ورحمة الله وبركاته
اخويا عنده 30 سنه ومراته 28 هي من عيله ميسورة الحال شويه باباها وزع املاكه ع ولاده وقال عشان لما اموت يبقى الكل متراضي ومتحصلش بينهم مشاكل
وكتب لمرات اخويا شقه ف بيته غير قطعة ارض ومحل
المحل ده مأجره ليها وبيبعتلها ايجاره كل شهر
المهم اخويا بقاله فتره يزن عليها تنقل الحاجات دي بإسمه بحجه انه خاېف انها تتغير عليه
احنا نصحناه انه ميصحش يطلب منها كده وهي كل مره بترفض ويزعل وييجي يشتكي
اخر مره الموضوع كبر بينهم وهي سابت البيت ومشيت واحنا قولناله مينفعش تطلب منها كده مره واحده وانه غبي في طلبه كان ممكن يقول لها اي حجه تانيه عشان تكتبله اللي هو عايزة مش وش كده او انه يهددها انه يتجوز عليها مثلا ټهديد مش اكتر ولما راح يجيبها قالتله انا مش هدفع حاجه ف البيت تاني غير مصاريف حضانة ابني لإنها كانت بتساعد فالبيت من ايجار المحل هو اتعصب وقالها نواياكي مش حلوه ومستنيه اللحظه المناسبة عشان تطلبي الطلاق ما انتي الفلوس قوت قلبك وكلام من ده واخد قرار انه يطلقها
واحنا بنقوله لأ عشان ابنك
الحل معاه ايه غير انه يطلقها ممكن ردود بإحترام
