وجعل بينكم مودة ورحمه
واحد من اصحابي راح يخطب اهل العروسه طلبوا منه شبكه ب ٢٠٠ الف جنيه مع ان الاسرتين متوسطى الحال
_ افتكرت قبل ما اجيب شبكه قعدت مع مراتى و فهمتها كل ظروفي و امكانياتى و هى بلغت اهلها و يوم ما زورناهم والدها قاللى الشبكه دى هديه منك و حتبقي بتاعتك في يوم من الايام فلا ترهق نفسك بما لا تتحمل
يوم ما نزلنا نشترى كانت حماتى بتفاصل كانها هى اللى حتدفع من جيبها مش انا علشان توفرلى اكبر مبلغ
_ حمايا علشان عارف ان الجواز اخد كل الميزانيه لقيناه حجزلنا شهر العسل من غير ما يقول كانه هديه علشان مرفضش او يحرجنى
- لما جيت اتجوز قبل كتب كتابي بيوم كتبت كل العفش و الشبكه و عملت القائمه و روحت اديتها لحمايا من غير ما يطلبها بعد الجواز باسبوع حمايا جالى يزورنى و اداهالى و قاللى انا مديلك اللى اغلى من الخشب و الملايات و الحلل
كل ما ازعل من مراتى افتكر الحاجات دى و انسي الزعل
كل ما ربنا بيكرمنى بفتكر ان هى و اهلها عمرهم ما ارهقونى و لا حملونى فوق طاقتى بحاول اردلهم جمايلهم عليا و بحافظ على بنتهم
لو حسيت ان اللى جايلك راجل و ابن اصل اقف معاه حييجى يوم يبقي هو سندك
بناتكم اغلى من كام غويشه بنات الاصول ميتاقلهاش دهب
#منقوله
