ربنا يشفي كل مريض
أنا مشكلتي بدأت بعد ما جوزي ماټ الله يرحمه ، وكنت بشتغل والدنيا كويسة فربنا كرمني واتجوزت تاني، وبعدها بفترة إكتشفت إني مريضة بالإيدز ومعرفش ده جالي منين ، جوزي الثاني لما عرف طلقني واتخلى عني، من بعدها مش بشتغل من بعد ما عرفت إني مريضة، وأي حد بيعرف إني مريضة بالإيدز مبيشغلنيش ، بحاول أشتغل في أي حاجة بسيطة بس بردو لما الناس بتعرف بتمشيني من الشغل وانا الشغل محتجاه عشان اعرف اصرف على اولادي لاني مليش غير الشغل دلوقتي ، فانا ملقتش غير حل واحد عشان اكمل في الشغل ومحدش يمشيني منه اني اخبي الأدوية لأن اللي بيعرف بېخاف مني وبيفتكر إنه هيتعدي مني ، لو الناس عرفت مش هتكلمني أنا وولادي وهيبعدوا عننا وهيوصموهم دايما بإن أمهم عندها إيدز، باخد إحتياطاتي دايما في كل مكان، لكن أكثر حاجة صعبة هي إنك تكون مريض وخاېف تقول إنك مريض عشان الناس هتتخلى عنك"
الإصابة بالإيدز بتحصل لناس كتير وبطرق مختلفة، لكن في الغالب الستات هم اللي بيتم وصمهم بسبب أفكار المجتمع المغلوطة عن المړض زي ويبدأ المجتمع في تحميل الست المسئولية وكمان يحرمها من حقها في الدعم خلال رحلة مرضها، وده طبعًا بيأثر عليها نفسيًا وكتير بيوصل إنه يمنع عنها حقها الطبيعي في العلاج.
في حملتنا الإيدز هنحاول من خلال قصصكم نوقف دايرة الوصم عن الستات المتعايشات مع الإيدز ونساعدهم يتكلموا عن رحلتهم الصعبة مع المړض ومع المجتمع اللي دايمًا بيحكم عليهم.. شاركينا حكايتك وتأكدي إن احكي بتوفرلك مساحة آمنة للحكي
