اخت جوزي انفصلت و عندها عيل عنده خمس سنين

اخت جوزي انفصلت و عندها عيل عنده خمس سنين 
جالها عريس و كله قالها اقعدي على ابنك و ربيه بلا جواز بلا هم مرضتش و اتجوزت و ابنها عاش مع امها اللي هي حماتي عشان طليقها مياخدوش 

انا بقا كل شوية اكل و شرب و غسيل و خدمة للواد ده و انا معايا عيلين و مش قادرة عليهم لما اقدر عالتالت  عشان احنا في بيت عيلة و اكلنا و شربنا و حياتنا كلها مع بعض و انا مش عاوزة الواد و مش عاوزة اخدمه و حماتي تعبانة جدا ع الفراش يعني 

ف انا ليا حق اعترض على خدمة الواد ده و امه و ابوه عايشين كل واحد في حياته و انا اللي اشيل رغم انه طيب و مش بيعمل حاجة و مش شقي خالص غير عيالي بس دول عيالي اخدمهم عادي هو لا ف بقيت اعامله وحش عشان يبطل يقعد معايا بس هو غلبان بيقول حاضر و بس 

لما اتكلمت جوزي بهدلني و قالي لو اتفتح الموضوع ده تاني هيبقى بطلاقنا اعمل ايه؟؟؟؟