عفش بيتي

السلام عليكم ورحمة الله وبركاته 
انا دلوقتي رحت اسلم قايمه المنقولات لزوجتي قدام القسم...المهم عرضت العفش وركبته وحطيته في الشارع وبقا جاهز للعرض عليها .. هي واهلها قالو دا مش عفشنا وهو مغيره ..
فالخبير قالي عندك رد قلتله أه قلتله انا عندي فديوهات لزوجتي وهي في الشقه وطبعا ظاهره فيها هي والعفش قالي تمام .. بس الفيديوهات علي اللاب توب فقالي هاتها في عرض المنقولات بتاع المره الجايه .. 
المشكله الفيديوهات دي عندي فعلا وزوجتي ظاهره فيها هي والعفش بس المشكله انها كلنت بلبس البيت ولبس مينفعش حد يشوفه وانا كنت مصور الفيديوهات دي علشان كنوع من الذكري لمناسبات خاصه

بينا زي مثلا عيد جوازنا _ كنا نحب نرقص سلو انا وهي علي ميوزيك في الصاله في الصالون وكانت مثلا مزيبنه اوضه النوم بشموع وزينه علشان مثلا عيد ميلادها وطبعا هي ظاهره فيها والعفش ظاهر فيها وطبعا الفيديوهات دي خاصه جدا 
مينفعش راجل يشوفها علشان معظمها كانت بملابس خاصه ليها حتي لو ابوها .. اعمل ايه هي واهلها افتروا وكدبو وقالو دي مش منقولاتنا وانا سلمت المنقولات الفعليه والاثبات الوحيد هي الفيديوهات دي بس مشعارف هوريها للخبير ازاي واكيد لو وريتهالو علشان يتأكد من العفش هيبص علي مراتي ..
وانا اتصلت بيهم وقلتلهم كنوع من النصيحه والانذار اني هعمل كدا
قالولي هتوري بلبس البيت للرجاله الغريبه وقعدوا يشتموا وقالو حتي لو عملت كدا هنقول مش عفشنا برده ..مش عارف اعمل ايه ولو معملتش كدا هيقولو انه مش عفشهم انا محتار .. وفي نفس الوقت رجولتي متسمحليش اني اعمل كدا موقف صعب اوي ...ومش عارف ايه الناس الرخيصه دي اللي مشفارق عندهم ان حد غريب يبص علي علشان خاطر شويه خشب .. اعمل ايه بجد