فرح على الضيق
أفيدوني من فضلكم.....
إحنا أختين مخلصين جامعة من حوالي ست سنوات فرق سنة بيني وبين أختي وأنا الكبيرة متقدملي عريس جواز صالونات وجالنا البيت هو وأهله وقعدنا معاهم وكان في قبول مننا ومنهم...
المهم حددنا يوم نروح نشوف الشقة قبل ما نعمل اي حاجة روحنا وزعلنا لما لقينا الشقة صغيرة بس قولنا بعد تفكير ربنا هيرزقهم بكره ويجيبو شقة أوسع ووالدي كان معترض جداً علي الشقة إنها صغيرة علشان العفش وكده ...
المهم والدتي قعدت تكلمه وتقنعه خودوهم فقراء يغنيهم الله وبعد كده حددنا معاد ييجو البيت ونتكلم في باص التفاصيل الشبكة واللي لينا واللي علينا والموضوع لحد هنا كان تمام لحد ما والدة العريس قالت مش هنعمل فرح علشان عندها بنت ابنها اټوفي السنة اللي فاتت قبل امتحان الثانوية العامة بأسبوع وقالت أنتو عايزيين تعملو فرح اعملو أنتو اما إحنا لاء ومفيش حد مننا
هيحضر والدتي قالتلها دي أول فرحتنا وحبايبنا وقرايبنا عايزيين يفرحو بالبنت فردت أم العريس وقالت عايزيين تفرحو افرحو أنتو في الحنة اما الډخلة هيعمل سيشن ويفسحها على أي كافيه وخلاص فدلوقتي أنا محتارة أعمل ايه بالرغم من إن والدي كان معترض على إن الشقة
صغيرة من الأول وحالياً بيقول أزاي بنتي أول فرحتي تدخل سوكيتي كده ووالدتي عايزة تفرح بينا علشان احنا فين وفين علي ما حد بيتقدملنا وسننا كبر مش لسه صغيرين... وأنا مش عارفه أعمل ايه.....!!!
