بركاتك يا شيخه
السلام عليكم ورحمة الله وبركاته
انا ليا ابن خالتي متجوز ومسافر وعنده ولد وبنت هو عايش مع خالتي في بيت العيله وانا بروح هناك كتير عشان ازور خالتي لانها جمبنا مش بعيده وانا مطلقه ومعايا ٢ بنات فباخدهم ونروح نقعد معاها مره او اتنين في الاسبوع نغير جو وخالتي بتحب بناتي وهما كمان ودايما تكلمني تقولي هاتيهم وتعالي ومرات ابن خالتي ديه قاعده معاها على طول عشان جوزها مسافر وفمره كان بعتلها موبايل جديد فكانت عاوزه تظبط فيه شوية حاجات مش عارفاها فانا قولتها هاتيه اظبطه وللأسف وقع قدامي رسائل واتس وهي عاملاهم في الأرشيف وبتكلم واحد وبصراحه قولت لازم اعرف الموضوع من اوله وقولتها بحذف برامج وبنزل برامج غيرها عشان اظبطهولك عشان تسيب الموبايل معايا فترة كويسه واخدته ودخلت البلكونه لوحدي وصورت على موبايلي كل حاجه عشان اقراها لما اروح البيت براحتي واكتشفت ان فيه بينهم علاقه حب وغرام وكمان على الفيس نفس الكلام الكلا
انا دلوقتي هو صعبان عليا وغربته ديه عشان يوفرلهم العيشه الكويسه وجاي على نفسه عشان يسعدهم
دلوقتي انا عاوزه رايكم هل في طريقه تانيه ولا ابعتله من رقمي احكيله وابعتله الاسكرينات اللي معايا عشان ياخد باله ولا فيه اقتراحات تانيه ياريت بجد تقولولي انقذه ازاي من اللي هو فيه ده من فضلك استاذ ناصر اقبل المشكله ديه ونزلها بسرعه لاني قاعده متوتره وحتي مش عارفه انام من يوم ما شوفت البلاوي ديه والله هو راجل امير وملتزم ومحترم وبجد ميستاهلش كده وحسبي الله ونعم الوكيل فيها عشان الرجل الشقيان ده يكون جزاءه كده
