زوج غيور

انا زوج غيور و للأسف شكاك شوية 
انا متجوز من ٣ شهور مراتي كانت رايحة فرح صحبتها كان هيبدأ ٧ قولتلها في البيت تكوني ٩ ونص حاولت معايا تتأخر لاخر الفرح و ان هي كدة كدة معاها عربيتها يعني مش هترجع في أوبر او مع حد و ان ديه صحبتها جدا و مينفعش بس انا رفض تماما قولتلها اخرك ساعتين و ترجعي و كنت كل شوية اطمن عليها و انها في الفرح و أكد عليها ميعاد رجوعها البيت و هي بتكون متضايقة بعدها لاقيت الموبيل اتقفل و الوقت اتأخر و انا مش عارف اوصل ليها دمي اتحرق و غلي و اتعصبت جامد و رجعت البيت الساعة ١٢ و انا فعلا كنت على أخرى من اللي حصل، ان الموبيل اتقفل بس 

بصراحة هو طلع فصل منها شحن بس في نفس الوقت رجعت متأخر  سمعتها كلام وحش و عيب جدا شدينا مع بعض فضړبتها جامد نزلت فيها ضړب بشكل بشع فضيت غلي و عصبيتي كلها فيها لأن في اللحظة ديه كنت واصل مرحلة صعبة جدا من العصبية اټجننت 

مشوفتش قدامي، اتعورت و كانت پتنزف جامد و كسرت اوضة النوم  كنت واصل مرحلة صعبة من العصبية جت تروح لمامتها منعتها و شدتها و اخدت منها الموبيل و شلت التليفون الأرضي و بقالي يومين لما اروح الشغل اقفل باب الشقة عشان متخرجش و لما ارجع الاقيها قافلة عليها باب اوضة الأطفال 

لما هديت شوية عرفت فعلا اني بالغت في ردة فعلي و ندمان ندم وحش لدرجة مش عارف انام خبط عليها الباب عشان تفتح ليا و اعتذرت ليها من وراء الباب رافضة ترد عليا، عايزة بس اني اطمن عليها خاېفة تكون تعبانة جامد، مشكلتي الغيرة و الشك دايما ملازمني لاني متأزم من الموضوع ده بسبب قصة حصلت معايا و مش عارف اعالج الموضوع ده
انا بكلمكم كواحد فعلا نفسه يحل المشكلة ديه و مدمر من اللي هو فيه و هيدمر اللي حواليه و مش عارف هتصرف معاها ازاي