الخال والد

انا واحد ليه اخت جوزها طلقها ورماها بأربع عيال ولا نعرف عنه حاجه لانه كان مسافر  حاولنا نوصله عشان يصرف على العيال مكناش عارفين فمكنش قدامي حل غير اني اتكفل بأختي وعيالها واصرف عليهم مع معاش امي وساعات كانت اختي تشتغل وهي في البيت وتبيع وهي بردو في بيتها عشان متطمرمتش وطبعا انا كنت متجوز ومعايا ولد وبنت والحمد لله الدنيا مشيت ببركه ربنا ،لغايه ما اختي جوزت اتنين من البنات وفاضل لها بنت وولد ،اتقدم لبنت اختي شاب ماشاء الله عليه ادب واخلاق و بيعرف يجيب القرش منين بيتعب على نفسه جامد هو صاحب اخوها واخوها عارفه كويسه وبيشكر في اخلاقه ،طبعا انا اللي قعدت في الاتفاقيه بتاعت قري الفاتحه واتفقنا على كل حاجه وكأنها بنتي فعلا والله والله عمري ما فرقت بين عيالي وعيال اختي وربنا يشهد بكده بس اللي حصل بعد الخطوبة بشهور ان بنت اختي بدأت تشتكي منه وتعمل خلاف مع خطيبها وفجأة جت قالتي ياخالي انا مش عيزاه ليه يابنتي حصل ايه قالتلي لا ده بيكلمني كل فترة ومش بنخرج ونتفسح قولتلها يا بنتي وده عيب ده الشاب بيجهز نفسه وجاب الشقه واحنا محددين وقت معين عشان تتجوزوا وبيشتغل بدل الشغلانه اتنين وانتي جايه تقوليلي خروجات وفسح ،لاقيتها مصممه على كلامها وخلت امها تكلم الناس وتقولهم كل شيء قسمه ونصيب طبعا انا حزنت عشان اختي ما أخدتش رأي في اللي عملته لاقيت حما بنت اختي بيكلمني فانا اعتذرتله وقولتله حاجتك كلها كامله حجبهالك لغايه عندك البيت ،كانت مراتي بتسمع كلامي معاه لاقتها بتقولي بقولك ايه الشاب ده خسارة احنا عندنا بنت وكبرت ما تلمح لابوه بيها ونبقى احنا اولى من الغريب قولتلها ايه اللي بتقوليه ده قالتلي ما بنت اختك مش عيزاه وبنت اختك صغيره عليه دي لسه مخلصه معهد ومش حتقدر قيمته والراجل بيحبك وبيحترمك وفيها ايه حصل نصيب حصل محصلش خلاص قولتلها اختي حتزعل مني قالتلي ليه ياعني ما طول عمرنا واقفين جنبها وكنت انت ونعم الخال والاب لعيالها وعمرك ما قصرت معاها في حاجه ودي تبقة رد الجميل ليك  ولو حصل قبول انا اللي حفاتح اختك في الموضوع  قولولي يا جماعه اعمل ايه لان فعلا الشاب خسارة والله حاولت بكل طاقتي احل بينه وبين بنت اختي وهي كانت رافضاه جدا شوروا عليه اعمل ايه في اللي مراتي بتقوله