والله انا في ناااار جوه قلبي وخاېفه افقد انسانيتي وانا بتعامل مع ناس كنت بحسبهم داخلين حياتي بنيه خير بس فعلا الواحد المفروض ومن باب النصيحه انه ميفتحش قلبه لحد يعرفه معرفه سطحيه انا زوجه على خلاف دائما مع جوزي بالبلدي كده كل واحد فينا ليه طبع مختلف عن التاني حتقولولي اتجوزت ليه حقولكم جواز صالونات طب كملت ليه الرد الطبيعي والحقيقي جدا عشان الاولاد لغايه ما وصلت لمرحله الانفصال بدون طلاق كل واحد في مكان وعايشين في نفس البيت
وطبعا عشان الوضع ده لاكتر من خمس سنين عرفت ان جوزي اتجوز عليه والصراحه مفرقش معايا لانه انسان لا بيفهم في الذوق ولا المعامله الحسنه لاهل بيته ولا حاجه هو عايش عشان نكون احنا خدامين عنده بننفذ اوامره وبس عشان هو مدير في جهه حكوميه مرموقه بس من فتره لاقيت واحده قربته من بعيد وشغاله في نفس مجاله بتتقرب مننا وده بحكم شغلها مع جوزي وكمان جوزها بردو بيشتغل مع جوزي والصراحه انا ماختش خوانه واتعملت عادي كانت بتيجي تقعد عندنا في عزومات كل مده وبدأت تكلمني انها عارفه الخلافات اللي بيني وبين جوزي وتنصحني وانا من خيبتي كنت بفضفض معاها لغايه ما في مره وقع في ايدي موبايل جوزي كان نساه مره في البيت ونزل فتحته ولاقيت كلام وحش خالص بين الست دي وجوزي طبعا عشان
ميجيش في دماغكم مش هي دي مراته التانيه لا دي علاقه عابره كده بس واضح من كلامها انها هي اللي بتحبه وپتموت فيه طبعا انا لما شوفت كده اڼصدمت وزعلت على نفسي وهبلي اني بصدق الناس حكيت لاختي وقالتلي بصي انتي معندكيش غير حل واحد انك تاخدي اسكرينات بالكلام وتبعتيه لجوزها اصل المشرحه مش ناقصه قټله اكمن جوزي الصفه الوحيده الحلوة اللي فيه انه كريم جدا وعنده استعداد يصرف على اللي يسوا وميشواش بس المشكله اللي موقفاني ان الست دي مريضه مرض صعب جدا خاېفه لما جوزها يعرف يحصل مصېبه بينهم والست تتعب ټموت بسببي عشان كده مش عارفه اتصرف ازاي ولا اسكت واكبر دماغي ذي ما انا كده عايشه والسلام
