لقاءمع الراحل سعيد صالح
- ليه حجيت ١٤ مرة وخليت مراتك تتحجب مع انها كانت ممثله شاطرة وفي بدايتها، ليه حجبتها وانهيت علاقتها بالفن؟
=لاني كنت محتاج لده ...وهي كمان كانت محتاجة دا،كنت بحبها وخاېف عليها،خاېف من الفن والوسط الفني، وكنت خاېف من ربنا
-طب والعمرة يا عم سعيد
=كنت بني ادم زي اي شاب، بعمل كل حاجه وطايش وبتاع وحاجات من دي، وفجأة دخلت السچن قعدت سنه ..السنه اللي قعدتها في السچن كانت سبب تغيير حياتي خالص، قابلني واحد اسمه عم يوسف لسه بعرفه لغاية دلوقتي
هو عرف اني موجود ف السچن، فبعتلي فمروحتش، وبعدين قررت اروحله ..لقيت زنزانته مليانه خير وأكل ومليانه ناس وعساكر
قولتله ربنا .. يكلمني انا ..طب ازاي
قالي اقرا قران هتلاقي ربنا بيكلمك ..سمعت الكلام ده وروحت جايب مصحف وبقيت اقرا واحفظ واسمعله تاني يوم، لغاية ما بقيت بصلي واصوم ولقيت السنه مرت جميلة جدا، وعرفت حاجات كتير كانت غايبه عني ...خرجت من السچن قولت يارب عمرة بقه ..طلعت حجه ..حجيت ١٤ حجه ورا بعض ...سنه واحده بس اللي محجتش فيها، اللي هي السنادي بتاعة انفلونزا الخنازير لكن ان شاء الله هكمل، والسنة الجاية هعمل حجة
لما روحت لقيت صدري انشرح كدا، وحبيت الحكاية وتدينت جامد وانا اصلا والدي كان ازهري وكان عايز يطلعني حافظ قران بس انا طنشت وكان طيش الشباب بقى !
- خاېف من مقابلة ربنا يا عم سعيد ؟
= ماهو لازم اخاڤ وكلنا نخاف بس احنا لو وضبنا نفسنا مش هنخاف ..اينعم ليا تاريخ مزفت بس اللي عملته هيغفرلي ان شاء الله، وانا واثق ان ربنا هيغفرلي
