بنتي الكبيره
السلام عليكم ورحمة الله وبركاته
مشكلتى بنتى الكبيرة ماشاءالله ٢٢سنه لسه متخرجه السنادى واشتغلت مدرسه ف مدرسه خاصه
انا دايما ف ضهرها وبادعمها لأنى نفسى اشوفها احسن حد فالدنيا
حصل خلاف مع اختها الصغيره ١٤ سنه وكلنا اتدخلنا والمشكله انتهت
وهى بقلها شهر مخصمانى بجد
وبطريقه وحشه وقلبى واجعنى منها
انا معملتش حاجه غير انى رديت عليها لما قالت محدش ليه فضل عليا ولا وقف جنبى وانا وصلت لكل دة لوحدى
قولتلها
(محصلش وافتكرى وقفتى جنبك انتوا عارفين ا لام بتعمل ايه
اسهر علشان اصحيها تذاكر اعملها كل طلبتها كانت تشرب وتسيب الكوبايات مكانها باباها كان يزعق اقوله معلش وبراحه
مش بتساعدنى الا لما افضل اتكلم واطلب كتير
انا شخصيه مش بحب الزعيق والمشاكل ولا العڼف )
حتى باباها رد عليها وقالها مينفعش الطريقه بتاعتك دي قامت هي
قالتله ده واجب عليكم
انا شيفاها جاحده اوى
ومفيهاش خير
انا بادعى لها دايما بس مكنتش اتوقع اتعامل منها كده
للعلم بيجى لها عرسان كتير جدا
لدرجه ان باباها قال مينفعش تتجوز وهى بتتعامل كده لازم تتغير
هى مغرورة اوى لأنها ما شاءالله جميله وبرة مع الناس أخلاقها ماشاءالله وهاديه وطيبه
معرفش فيه ايه لدرجه باقول حسد او اعمال
مش فاهمه اتعامل معاها ازاى
ومش بتصلى للاسف
