شهر اكتوبر

مشكلة للمناقشه
عارفه أن ناس كتير هتاخود كلامي عادي وان كلنا كده بس انا حابه افضفض يمكن ارتاح أنا بنت وحيده ماليش حد مكنش ليا غير ابويا الله يرحمه ومراته امي مشفتهاش وماوعاش عليها ومرات والدي هي اللي ربتني والدتي اټوفت وهي بتولدني معرفش بصراحه يعني اي ام ولا جربت حنانها شكله اي ابويا كان كل حاجه ليا ف الدنيا جوزني وخلفت تلت ولاد هما كل حياتي وزوجي كمان اټوفي يعني باختصار انا لا اب ولا ام ولا اخوات ولا زوج ومرات والدي كمان اټوفت الغريب أن كلهم ماتوا فنفس الشهر شهر أكتوبر لاكن طبعا مش نفس التواريخ في فرق سبع سنين بين والدي وزوجي 

ومرات والدي المشكله اني دايما محتاجه والدي دائما بتمني اشوفه ولو مره واحده بنام وادعي اشوفه في المنام أوقات بصحي من النوم حاسه ان لسه ابويا عايش واني لو روحت بيتنا القديم هلاقيه هناك الموضوع ده تعبني جدا وطول الوقت أبص في صوره واترحم عليه ابويا كان كل همه ابقي مبسوطه اجوزت فبيت عيله شفت معاهم اسود سبع سنين ف عمري ابويا الله يرحمه فضل يعافر لحد ما جبلي بيت لوحدي ملك ودلوقتي كمان عايشه من معاشه لأن جوزي للاسف مكنش له معاش يعني خيره مغطيني وسترني حي ومېت أنا محتاجه منكم تقولولي ازاي تتغلب ع الاحساس بالغربه والۏجع بفقدانه للعلم والدي مټوفي من 2013يعني من اكتر من عشر سنين بالظبط ومع ذلك حاسه كأنه لسه موجود معايا والله العظيم اوقات بمسك موبايلي وبدور ع رقمه هو أنا كده طبيعيه ولا اي بالظبط ولو تكرمتم ياريت تقروا الفاتحه لوالدي وتدعوله بالرحمه هو وكل امواتنا واموات المسلمين واسفه ع الاطاله