انا مش عايزة غير مصلحة بنتي

السلام عليكم ارجو تقرؤ مشكلتي وترعوا اني ام خاېفه على بنتها 
انا بنتي متزوجة من ٣ سنين هما ماديا اقل من المتوسط وافقت عليه يسبب تمسك بنتي بيه وساعدنا معاه على قد ما قدرنا عشان اجوزها واطمن عليها لكن للاسف محصلش اطمئنان ولا اي حاجه ابوه دخل في مشكلة بسبب ديون عليه واتسجن وهو طبعا لازم يقف جنبه لانه ابنه الكبير وده اثر جدا على مستوى عيشة بنتي اللي هو اصلا كان ضعيف جدا وعلى طول عندي واجبلها حاجات الثلاجه وخزين يعني لو مكنتش اتجوزت كان يبقى احسن من العيشه بالشكل ده 
وانا بنتي تعبت في تربيتها جدا ربنا شاهد وهي ماشاء الله جميله جدا واخلاق وتعليم وكانت تستاهل احسن منه ولحد دلوقتي فيه ناس كتير فاكره انها متجوزتش وبيسالوا عليها للجواز ولانها لحد دلوقتي مخلفتش منه واحنا عزلنا في مكان جديد غير بيتنا القديم علشان كده الناس متعرفش انها متجوزه و لسه عندها ٢٨ سنه وانا بفكر أطلقها منه علشان اجوزها حد احسن منه لأن فعلا في ناس سالت عليها احسن منه بكتير ومقتدرين وهيعشوها في عز بدل البهدله والفقر اللي هي فيه ده بس المشكلة انها مش موافقه ومنشفه دماغها وبتقول انا بحب جوزي ومستحيل اتخلى عنه 

وبقت بتعاملني كعدو لها وانا والله مش عاوزه غير مصلحتها لاني خاېفه عليها وممكن جوزها كمان يتسجن لانه داخل مع ابوها في مشاكل وديون كتير وهي ابوها مټوفي واخواتها لو انا جرالي حاجه واطلقت منه او جوزها جراله حاجه محدش هيشلها او يستحملها طيب تروح فين 
انا كل اللي عاوزاه تامين مستقبلها وحمايتها من غدر الزمن 
مش عارفه ازاي اقدر اقنعها تسيبه وتشوف مصلحتها ومستقبلها وكفاية بهدله لحد كده