" انا متجوزتش غير لما جارتنا ماټت! عزة العمروسي
" انا متجوزتش غير لما جارتنا ماټت! "
بصيتلها بتعجب وقولت:
" إزاي يعني! "
مسحت دموعها وغمضت عينيها وكأنها افتكرت حاجة ۏجعاها وقالت: " كان عندي بنت صاحبتي من الحضانة، وجارتنا في نفس الوقت، عمها كان متقدملي وعشان بينا فرق سن مقدرتش أوافق "
وفي مرة البنت دي جات خدت مني فستان خطوبتي تحضر بيه فرح واحدة قريبتها ومن ساعة ما رجعت الفستان ولبسته وانا حياتي كلها اتغيرت، سيبت خطيبي، وكنت كل ما اتخطب أسيب بدون أي سبب واضح.. وكان أي عريس بيتقدملي كان بيترفض!
مكنتش عارفة انا برفض ليه؟ كنت بحس إن الجواز ده كابوس في حياتي مش عاوزة أعيشه، ومرت السنين لحد ما بقى سني ٢٨ سنة واتجوزت أخيرًا وللأسف بعد سنتين اتطلقت وبرضو بدون سبب واضح لإننا كنا متفاهمين وأصحاب ومفيش بينا مشاكل!
وفي يوم جدة صاحبتي اللي كانت واخدة فستاني ماټت.
وبعد يومين من مۏتها لاقيت صاحبتي بتخبط على الباب وبتسأل ماما عليا ودخلت أوضتي وقفلت الباب وقالت:
" انا جاية عشمانة في كرمك تسامحي جدتي! "
بصيتلها باستغراب وقولتلها " أسامحها على إيه! "
بلعت ريقها وقالت: " يوم ما خدت فستانك جدتي قصت حتة من الفستان وعملتك عليها سحر عشان رفضتي عمي "
جدتي بقالها يومين بتجيلي وهي بټعيط وبتصرخ وبتقولي..
" انا تعبانة ومش كويسة وهي ماسكة فستانك "
سكت شوية وافتكرت كل حاجة صعبة حصلت في حياتي بسببها.
وفي يوم روحت مسجد كبير وقعدت مع شيخ أنا ووالدي، فسكت وقال: " عارفين إحنا زي السمك اللي في المية "
سورة البقرة هي الطعم اللي بينقذنا من المۏت ومع ذلك بنكسل نقراها.. هي سبب الرزق، سبب السعادة، سبب فك السحر ولكن إحنا بنحب نصرف فلوسنا ونعيط على نفسيتنا.
وبعدين بصلي وقال: الزمي سورة البقرة واستني عوض من السما.
سمعت كلامه ومبقتش بعدي يوم غير لما بقراها.. ومقتصرتش عليها بالعكس بقيت فاتحة مصحفي قدامي طول الوقت، حتى لو في المطبخ بحطه على استاند واقرأ.. الأكل بيطلع طعمه تحفة، وبلاقي بركة في وقتي ويومي!
رجعت ناقشت رسالة الماجستير واتجوزت الدكتور اللي كان مشرف على رسالتي.
القرآن فيه حلولك، القرآن صاحبك اللي بيسندك متسيبهوش ❤
#حدث_بالفعل
