راجل عديم المسؤولية

عندي مشكله بقالي ٤ سنين متجوزه وعندي بنت طول فتره ال٤ سنين دول جوزي عمره مافشل انه يثبتلي انه مش بيحبني أو انه راجل ومسئول اول موقف بنته كانت درجه حرارتها ٤٠ ونزل وسابني معاها راح القهوه لدرجه البنت تعبت وأنا خۏفت ونزلت بيها للدكتور س٢ بالليل مع عمها لان الفرق بين البيت والقهوه ساعه طريق ولان حصل مشكله بينا أني زعلت انه نزل وسابني وهي كدا وكانت معرضه نروح للدكتور واصريت ان انزل من غيره للدكتورونزلت مع عمها رغم انه كان وصل ع ماجهزت البنت مع العلم كان ميعاد رجوعه اصلا من القهوه

تاني موقف أنا كنت معايا بنتي وكنت نازله اعمل حاجه تخص حد من أهله اتكعبلت ووقعت وخدت السلالم وبنتي كانت ف إيدي وقعت معايا مع إني عرضت عليه يقف بيها بس دقيقتين ع ماانزل واطلع قالي مش فاضي سمع صوت الوقعه طلع تاني حاول يقومني بسرعه وبنتي بټعيط ومخضوضه وأنا رجلي ورمت جامد وكنت شاكه انه كسر يادوب فتحلي باب الشقه ونزل 
مدخلنيش اصلا ولا أطمن عليا وع بنته وسابنا قال عشان عنده شغل وأنا ف عز تعبي وهي بټعيط دايما اتفاجئت بعد كدا بالصدفه ان مكنش عنده شغل وأنه كان نازل يوصل ناس قرايبه واقفين تحت العماره كأنو ف زياره عندي ونزلو وكان مستعجل ينزلهم مع ان أنا كنت شايفه ان كان ممكن يعتذرلهم عادي وكدب وقالي نازل شغل دايما محسسني انه مابيصدق امشي م البييت اروح لاهلي عشان ينزل يروح لاصحابه دايما محسسني أني مش مهمه ولا أنا ولابنته 
بقي ف جفا بينا رهيب بقاله شهور بسبب مواقف كتير زي دي واتكلمت معاه اكتر من مره مفيش فايده 
خلق فجوه بينا وبقيت مش مبسوطه نهائي ومش بحس ان ف راجل ف حياتي اعتمد عليه أو  عشان مش بيتغير ولا عندي امل انه يتغير محدش يقولي رووحي لأهلك لان اهلي مش 
وابوه راجل سلبي ومدلعه جدا وعمره ماغلطه ف حاجه عشان بيحبه وأما بيحس إني مضايقه يكلمني يقولي متنكديش ع نفسك الأيام مش بتتعوض اعمل ايه نفسيتي وحشه جدا وحاسه إني مش عايزه أكمل معه بجد ساعدوني