امي وامه
ضروري لو سمحت مشكلتي كبيره .انا متزوجه من 9 شهور وحامل وللاسف الجوازه كان في بدايتها مشاكل وعدم اتفاق بين الاهالي بس كملت بسبب اصراري انا وزوجي. امي قبل يوم فرحي ب اسبوع اتصلت بعمال يشيلو جهازي من شقه زوجي وينزلوه بسبب انهم مكنوش عايزين يكتبو الاتفاقات ال ف القايمه اللي حصل اتفاق عليها يوم الفاتحه و زوجي كان عايزني امضي علي نفسي ورقه تدل اني استلمت جرامات الدهب لانه عايز يكتب جزء بس من الاتفاق بتاع الدهب ولما والدتي عرفت كده اصرت تروح تنزل جهازي وتنهي الجوازه ف والدت جوزي جت و خربت الدنيا و قعدت تهين ف ماما و تقولها انها مجنو.نه و تتحسبن عليها و تقولها اوحش كلام واهانات و ماما مردتش عليها ساعتها وكملت تنزيل العفش وبعدها حصل مفاوضات بين الرجاله والجوازه تمت علي اساس ان الامهات يعني امي و والدته مش طايقين وكارهين بعض..حصل ان والدتي قاطعتني ومبقتش تكلمني ولا تسال عليا ف حملي نهائي ولا طلعت شقتي حتي ولا مره و كان والدته هي ال بتعاملني كويس وتهتم بيا بعدها حصل اني اتصالحت مع والدتي و قربت معاها المسافات وجوزي بردو كلمها عادي و ف مره روحنا المستشفي اكشف وكانت والدتي وجوزي معايا و احنا قاعدين فالانتظار والدته دخلت علينا و مرمتش سلام ربنا علي والدتي و اعتبرتها مش موجوده و كلمت جوزي بس و مشيو ف ماما خدت بعضها ومشيت خرجت من المستشفي من غير اي رد فعل و انا اټصدمت من عدم التقدير والاحترام و انفعلت علي جوزس ومامته و قلتله ميصحش ال حصل ده بانفعال و مشيت و سبتهم روحت ورا والدتي وعديت تعديه صعبه وانا حامل فالاخر و جوزي مجاش ورايا وفضل واقف مع والدته و متصلش بيا حتي . وبعدها حصل موقف تاني ان ماما كانت بتكلمني فااموبيل و جوزي جه سمع جزء من اامكالمه و هي بتتكلم عنه كلام مش كويس وانه مليش امان انه سابنا يوم المستشفي وكده و هو خد التلفون منها واتعصب عليها وشتمها و قالها بتتصلي ليه يامهزأه. وانا اتخانقت معاه خڼاقه كبيره وروحت معاه لبيت اهله ومامته متعرفتش انها غلطانه انها مسلمتش علي والدتي و قالت انها تستاهل كده و قالت ف حقها كلام مش كويس وانفعلت عليها و وصلت الموضوع ان جوازتنا مش هتكمل وبعدها جت حاولت تصالحني علي بسيط بس بعد اهانات منها وصوت عالي وغلط ف والدي ووالدتي
دلوقتي استفساري اعمل ايه و الوزر الاكبر هيكون ف حاله لو اخترت والدتي و سبت جوزي واهله ولا اختار جوزي واخسر والدتي للابد
