انا محتار بين قلبي وعقلي
لو سمحتم انا محتاج اقول مشكلتى لانى بجد تعبان نفسيا قوى بسبب الموضوع ده واسف لو الموضوع طويل شويه
دلوقتى انا حبيت بنت وكانت من محافظه تانيه حبيتها اكتر من نفسى ولازلت بحبها لحد النهارده بس النصيب مجمعش بينا بسبب ان اهلها غصبوا عليها تتخطب لواحد من محافظتها والشهاده لله الانسان ده مافيهوش اى شئ يتعيب
بس انا حبيتها ومش عارف انساها وكان وعدى معاها انى استناها لو فيه نصيب هتقدملها لو مافيش نصيب يبقى ارادة ربنا كده واستنيت سنه و شهور وهيا المفروض هتتجوز ف شهر 7
وانا سنى بيكبر واهلى كل شويه يقولولى على عروسه وانا برفض ومحدش فيهم فاهم ايه السبب غير امى وكام واحد من اصحابى وانا كنت برفض على امل ولو نسبة 1 انها تكون من نصيبى ولكن المرادى اهلى جابولى عروسه ماشاء الله متدينه ومن اسرة كويسه وبيحاولوا يقنعونى بيها وانا قلبى بيتقطع وف صراع ما بين قلبى وعقلي وكل شوية حد ينصحنى ويقولى انى ماسك ف احبال دايبه وانا مش عارف اقنع لا قلبى ولا عقلى بكده ولما جيت قررت انى اتقدم للبنت دى حسيت بندم جوايا خاېف اتقدم واخطبها واعزم على انى استقر واشوف حياتى وخاېف ان البنت اللى كنت بحبها تسيب خطيبها ووقتها مش هقدر اظلم بنات الناس معايا انا كلمتها قولتلها طالما مخطوبه لحد مش بتحبيه وبينكم مشاكل ليه مكمله وانا فى صراع كبير قوووى ومش عارف اعمل ايه اتقدم واخد خطوه خاېف اكسر قلبها هيا بتحبنى ولكن مڠصوب عليها فى الخطوبه دى
خاېف اخد خطوة الخطوبه وهيا تسيب خطيبها ووقتها مش هعرف اظلم حد وخاېف وقتها ان قطر الجواز يفوتها وخاېف انا كمان سنى يكبر
او انها تتجوز ووقتها هيكون ده اسوء يوم ف عمرى كله وممكن يتقضى عليا
اعمل ايه ارجو الرد بدون تجريح انا عايش ف التعب ده بقالى كتير ومش عارف اتصرف ازاى
