اعمل ايه مع مراتي
السلام عليكم ورحمة الله وبركاته
دلوقني يا جماعه انا راجل متزوج من ٧ سنين وعندي بنت وولد و المدام بتشتغل ومعندهاش وقت ليا خالص وفي تقصير منها جامد في الحياة الزوجيه ودايما بتطلع بحجه انها بتشتغل الصبح وبترجع تعمل شغل البيت والأطفال وطبعا يسبب سوء الاحوال في البلد مقدرش اقولها اقعدي من الشغل عشان تكون فاضيه ليا وتهتم بيا لأن انا راجل وليا طلبات بس مرتبها على الدخل بتاعي يادوب عايشين مستورين وهي معترفه بتقصيرها ده
لان انا محتاج ست تانيه وقولتلها الموضوع مش هيكلفنا حاجه لاتي قاعد في بيت دورين اوضتين فوق و٣ اوض تحت ونقدر نستقضي أوضة نوم جديدة والعروسه هتكون راضية وكمان مبسوطه انا متاكد من كده
وهي فعلا بنت حلال وفضلت تمدح فيها وموافقه حتى لو من بكره معندهاش اي مانع
انا بصراحه مستغرب من موقفها وكنت معتقد انها هتتخانق معايا وتعمل مشكلة كبيره وتحس بتقصيرها وتحاول تعالجه لكن العكس تماما تماما االلي حصل
فدلوقتي تعمل ايه لو انت مكاني ؟
خاصه اني بحبها جدا وعمري مكنت افكر في موضوع التعدد والحاحات ديه ابدا بس دلوقتي بفكر انفذ الفكرة ديه جدا فياريت رايكم
