من حكايات الأصدقاء
حكايات_الأصدقاء
أنا ست بيت متجوزة من سبع سنين وعندى ولد وبنت كان فيه مشاكل بينى وبين جوزي لعدم إهتمامه بيا وكمان انقطاع الزوجية ومبقاش مهتم بيا من الناحية دى وبيطلع أسرار بيتنا وبيحكي المشاكل لصحابه دايما
كانت فترة صعبة عليا وخصوصا اني ست في عز شبابي وليا طلبات !!
بعد كده اتعرفت علي شاب من الفيس بوك كنا بنتكلم شات ومكونتش شوفته وحسيت اننا متفاهمين جدا وبيفهم احاسيسي ومشاعري وبيفهم نقط الضعف اللي عندى وكان بيبعتلى صوره وعجبني جدا وابتدت علاقتنا تكبر ونقرب من بعض اكتر وكنت ببقى مبسوطة معاه
فضلت اسأله ايه الحاجة اللي مخبيها عليا أتفاجأت مفاجأة رهيبة لما فتحلى كاميرا الموبايل ولقيته واحد من صحاب جوزي المقربين واكتشفت انه كان بيبعتلى صور ممثل تركي على انه هو !!
طبعا كانت صدمة كبيرة وهو قاللي انه عرف من جوزي ان فيه مشاكل بينى وبينه وعشان كده ابتدى يقرب مني وفضلى يحلفلى انه بيحبنى وكده
عاوزة حل اطلع بيه من المشكلة دي من غير فضايح
