انا عايشه متهدده
انا متجوزه جديد عندي٢٦ سنه جواز صالونات الخطوبه كانت سنه بالظبط واكتشفت بعد الجواز ان جوزي عامل عملية في القلب مقليش هو مش كبير عنده ٣٠ سنه انا طبعا شوفت مكان الخياطه بتاعت العمليه من يوم الډخله وحاولت افهم ده ايه فقالي كل حاجه بعد ما غلبني جدا طيب ليه مقولتش ليا قبل الجواز وسبتلي الاختيار قالي انا سألت اكثر من شيخ قالي طالما انها
ليست من الامړاض التي تفسخ او تبطل عقد الزواح فبالتالي معرفتها او عدم معرفتها ليس حق مكتسب ليها اذا كانت العمليه ناجحه وقادر تقوم بواجباتك كامله زي اي شخص طبيعي وهو فعلا طبيعي في كل شئ وكل امور الحياة العاديه بس لما سالت ماما واختي الكبيره قالوا انه ممكن يعيش عادي ٨٠ سنه و ممكن ېموت في اي لحظه يعني باختصار حياتي معاه مفيهاش امان خالص ولو جبت اولاد احتمال يبقوا يتامى حتى قبل ما يتولدوا وكمان اظن لو انا اللي كان عندي المشكلة ديه انتو عارفين الرجالة في المواقف ديه كان مهيصدق ويسبني في اقرب فرصة
فطلبت منه يكتبلي الشقه باسمي وعنده رصيد معقول في البنك وشهادات قولتله احتياطي حولهم في حسابي علشان ابقى عايشه في امان شوية هو رفض لانه شايف انه معندوش اي مشكلة في اي حاجه بدليل اني بروح الجيم ومتابع مع الدكتور وهو قايله انسى العميلة وعيش حياتك طبيعي واعمل كل اللي انت عاوزه وانا طبعا سبت البيت وطلبت الطلاق وحقوقي ومؤخري والقايمه توصلي او يعمل اللي انا عاوزاه واهلي معايا وجوز اختي كلمه قالوا سبني افكر قاله عندك مهله لحد اول الشهر و بعدين هتصرف مع المحامي
سؤالي دلوقتي ايه العمل وكده مين اللي ظالم ومين مظلوم ياريت تردوا عليا كاخت اوبنتكم وبلاش تميلوا لطرف عن الثاني وده غش ولا لأ
