ايه الضمير الصاحي ده

مشكله عضوه 

ابني كان خاطب بنت من عائلة محترمة، والخطوبة تمت في حضور العائلتين وبعد فترة قصيرة جاله فرصة عمل كويسه خارج مصر  واضطر يسافر بسرعة قبل ما نلحق نكمل باقي ترتيبات الزواج و اتفقنا إنه هيحاول ينزل بعد 6 شهور عشان يتمم الزواج وكانت الأمور ماشية تمام. مرت الشهور، ووصلنا لشهر أبريل وكان المفروض يرجع عشان نعمل الفرح لكن ظروف عمله اتغيرت ومقدرش يرجع. فضلنا ننتظر لكن كل مرة كان بيقول إنه محتاج شوية وقت إضافي وللأسف التأجيل استمر لحد ما قربنا لنهاية السنة
وللأسف صارحني انه مبقاش قادر يكمل مع البنت اللي خطبها هنا وانه اتعرف على واحده هناك وحبها وحبيته وهي من بلد عربي مش مصري وعرفته على اهلها واهلها موافقين عليه وممكن يتمموا الزواج هناك في الصيف القادم

في الوقت ده كان لازم أكلم خطيبة ابني وعائلتها وأبلغهم إننا مش هنقدر نكمل  الخطوبه باي سبب خاصه ان ابني بطل يرد عليها وحصل بينهم مشاكل كتير اوي وخصوصاً كمان  إن الوقت بيمر وابني مش هيرجع دلوقتي ولا عاوزها خلاص وانا عاوزه احافظ على مصلحة ابني واهم حاجه راحته  المهم كلمتهم فعلا وبعد كلام كتير اتفقنا على إنهاء الخطوبة بشكل ودي لكن حصلت مشكلة بعد كده وهي إن الشبكة اللي كانت خطيبة ابني لابساها قالوا انها ضاعت أثناء سفرها بين محافظتين ومش قادرين نفهم  ازاي ضاعت كانت دبله ومحبس وانسيال وخاتم ازاي كلهم يضيعوا طبعا بعدين فهمنا انهم مش عاوزين يعطونا الشبكه عملت لهم محضر ولما عرفوا بيتفاضووا معانا نتنازل ويدافعوا نصف تمنها بالجرامات واحنا طبعا موافقناش لحد ما رجعوها لما فضحتهم في البلد وقولت عليهم سرقوا شقى ابني وعملنت لهم محضر وكنت بوري صورة المحضر لكل الناس من غيظي منهم بصراحه دلوقتي أنا في حيرة.أنا حاسة إني عملت اللي عليا وحاولت أحل الموضوع بشكل ودي معرفتش وبعد ما عملت كل ده عشان ارجع حق ابني خاېفة أكون ظلمتهم او ظلمت البنت
ومحتاجة رايكم هل فعلا انا عندي حق في اللي عملته؟ عشان مش عاوزة مشاكل بين العائلتين بعدين لما ابني ينزل ويعرفوا انه اتجوز هناك او حتى خطب واحده من هناك