مشكلتي في ابويا

انا في مشكله كبيره جدا بتعرض لها الايام دي
انا ابويا اتجوز مرتين الاثنين ماتوا داخل على سن 75 سنه انسان طول عمره ما بيحبش غير نفسه بس كان سبب في اذيه ناس كثير واولاده وزوجاته وانا لحد الان بعاني منه اتحملت كثير جدا جدا 

بقى عندي 37 سنه ما بقتش قادر اتحمله اهني كتير قلل مني كتير ما عمليش اي حاجه ما سابليش اي حاجه وكل ده كنت بعديه حتى دلوقتي بعد ما بقى لوحده في البيت عندي ما بيساعدش قد كده في المصاريف رغم انه مرتبه او معاشه حوالي 7000 جنيه وانا اللي شايل كل حاجه تقريبا من بعد وفاه امي رحمه الله عليها من حوالي ست سنين وهو بيدور على جواز وبسبب سنه ناس كثيره 

رفضته دلوقتي اكتشفت انه بيتكلم ست متجوزه جارتنا من دور اصغر عيل من عياله وحد شافه ان هو راح لها الفجر البيت بس غالبا ما حصلش حاجه وانا ما بقتش قادر اتحمل كده بدات سيرتنا تبقى على كل لسان موضوعنا بيتكلم الست دي بقى له ثمان شهور وانا اكتشفته وواجهته وبهدلته بالادب وبالذوق وتصالحنا ووعد اكثر من خمس ست مرات انا مش 

هيكلمها تاني ويرجع يكلمها تاني دلوقتي اكتشفت انه لسه بيكلمها واكتشفت اني بدات الناس تعرف وانا عندي بنات ومحبط جدا جدا وما بقتش قادر اتكلم معاه وكل اللي تاعبني اني خاېف اكون كده عاق له بس انا ما عنتش قادر اتعامل معاه باي شكل من الاشكال