مرات ابني في دنيا لوحدها

انا عايزة حل وبلاش هجوم ولا تطاول رجاء 

ابني اول ما اتجوز تاني اسبوع  ضړب مراته ونزلها في اوضة في بادروم البيت حپسها يوم فيه معرفتش السبب وهو مقالش ولا هي وقفل عليها ومشي وهي فضلت اكلمها من ورا الباب مفيش اي رد عياط بس قعدت كده ساعتين وبعد كده سكتت وتاني يوم ډخلها وفضل يكلمها كتير  وبعد كده طلعها شقتها تاني عادي وقعدت شهر مبتنزلش خالص وهو كان بياخدلها الاكل فوق كل الوجبات وحاليا هو سافر لعمه يزوره علشان تعبان وكان ماكد عليا متخرجش لوحدها ابدا ..هي بقي علي طول قاعدة لوحدها ولو ندهت عليها تنزل وتفضل ساكتة ووشها دايما حزين كده وصوتها هيبقي قرب يعيط مرة قولتلها نخرج نتفسح وناكل بره قالتلي قولي لابنك يمكن ميوافقش وتبقي خاېفة اوي واي حاجة حتي لو متستاهلش لازم تخليني اقوله عليها الاول ولا مرة كلمته هي بتخليني انا اقوله ولو هو طلب يكلمها تبقي بترجف وتترعش وهي بتكلمه ولازم تقعد تحلف ان اي خروجة انا اللي قولتلها عليها مش هي ..هو كويس يعني قبل ما يسافر عطاني فلوس ليها وقالي اي حاجة هاتيهالها وخلي بالك منها ومتعليش صوتك علشان متخافش وصاني عليها كتير اوي وكل يوم قبل ما ينام يطمن عليها ويوصيني تاني وهي زي ما هي مشوفتهاش بتضحك مرة واحدة بالغلط حتي معرفش ايه السبب ومعرفش انا اتصرف ازاي اعاملها ازاي انا بعملها حاجات كتير حلوة وبرضو مفيش فايدة منها خالص خصوصا اني بحب اتكلم مع أي حد وناخد وندي هي بتسمع بس مبتردش الا بكلام يقفل الحوار كله  ومش هاين عليا اسيبها مع نفسها كده