جوزي نزل من نظري
بصوا أنا عايشة في حالة مش عارفة أوصفها متجوزة بقالنا ٧ سنين وعايشه في حب وراحة معاه بصراحه
بس مع الوقت العلاقة بقت روتينية مفيش اهتمام زي الأول ولقيت نفسي بواجه فراغ عاطفي لحد ما اتعرفت على شخص تاني حسيت معاه بإنجذاب معين صحيح اللي حصل مكنش علاقة كاملة لكن كان فيه نوع من القرب اللي مكنش المفروض يحصل بيني وبينه لاني ست متجوزه وعلى ذمة راجل
ومع الشعور بالذنب ما قدرتش أعيش بالسر ده فصارحت جوزي بكل حاجه حصلت لاني مكنتش فعلا عارفه اعيش من التوتر والقلق اللي انا فيه
ولما صارحته حسيت انه اتكسر من جواه وكان باين في عينيه بس قرر يسامحني ويفتح صفحة جديدة عشان الحب اللي بينا وعشان على كلامه انه حس ان هو السبب في اللي انا وصلته باهماله فيا ورغم إني في وقتها كنت فرحانه جدا
لكن دلوقتي بعد شهور مش قادرة أتعامل معاه بنفس الطريقة حاسة بنفور منه ومش قادرة أرجعله بقلبي زي الأول
لما بييجي في بالي إنه سامحني كده بعتبر ده ضعف منه وانه كراجل المفروض يكون له رد فعل قوي ورجولي عن كده
وفي نفس الوقت بحس إني أنا السبب في مشاعره دي خاېفة أظلمه وأكمل وأنا مش قادرة أتقبله تاني في حياتي وخاېفة من خطوة الانفصال وتبعاتها عليا وعليه
أنا حاسة إني تايهة بين إحساس بالذنب والندم من ناحية وبين احتياجي لشيء أنا مش لاقياه في علاقتي به من ناحية تانية ويبقى كل اللي بينا اولادنا وخلاص
ياريت تقولولي رايكم في موقفه بكل امانه وانا عندي حق في زعلي ولا لا
