اكمل ولا لأ

كمان كنا في مرة خارجين وانا كنت طالبه اوردر من محل قماش ودافعه فلوسه كده كده من قبلها ع فودافون كاش فا انا كنت جنب المحل بالظبط فقولت اجيبه بالمرة بدل ما استني لسه مندوب الشحن والكلام ده 
فجينا جنب المحل قولتله انا هدخل اجيب حاجه من هنا قومت لقيته وقف برا ومدخلش معايا بصراحه برضو قولت في بالي هو مدخلش فاكر اني هشتري حاجه مثلا ف هو هيحاسب معرفش اتدايقت جدا 
وانا والله كنت دافعه فلوس الاوردر كامل من قبلها ع فودافون كاش يعني مكنتش مستنيه منه حاجه بس الحركه حسيتها مش لطيفه 
وبرضو كنت ف مرة جايه ف توكتوك انا وصحبتي وهو كان جاي عندنا بالصدفه فاكان بيرن الجرس فنفس الوقت اللي جيت فيه بالتوكتوك ف صحبتي بتحاسب التوكتوك بتديله 200ج وانا وهي مش معانا اي فكه ف بتاع التوكتوك قال شوفو معاكو 10 ج حق المشوار انا مش معايا فكه ف نزلت من التوكتوك ارن الجرس ع ماما تحدفلي 10 ج وهو كل ده واقف ف بيسال صحبتي انتو واقفين ليه قالتلو بنحاسب التوكتوك عايزين فكه معزمش حتي بال ج وانا اتحرجت جدا قدام صحبتي لحد مامتي ردت علينا من البلكونه وحدفتلنا فكه 
وكذا موقف بصراحة مبحسوش لطيف 
وبرضو هقول اللي جبهولي طول فترة الخطوبه مرة عيديه فالعيد الكبير ومرة فالعيد الصغير ومرة جابلي طقم العيد فالعيد الصغير واداني 2000 ج فالعيد الكبير قالي روحي هاتي انتي طقم العيد الكبير 
مع العلم عندنا ف بلدنا الفلاحين كده طقم العيد الخطيب بيحيبه والكلام ده عشان محدش يقولي ويستغرب وبس مجابليش شئ تاني 
انا بقي جيبتله لبس وبرفانات وساعه وبادي اسبلاشات وكلام من ده كذا مرة
ف انا كده قولت اللي جالي منه وتصرفاته وعايزه اعرف دا بخل ولا ايه لاني محتارة جدا