القصه دى والله مبعوتالى فى الرسايل على كذا مره وصاحبتها حلفت انها مرت بكل اللى هى بتحكيه دا

القصه دى والله مبعوتالى فى الرسايل على كذا مره وصاحبتها حلفت انها مرت بكل اللى هى بتحكيه دا ....
كل ما اكتب عن غرابة اللي حصلي الصفحة تهنج وتعمل ريفرش لوحدها و يتمسح اللي كتبته من غرابته بجد اعمل ايه عاوزة اقول و ارتاح
عيشت كتير برا مصر و انا بتمنى ارجع اشترينا شقه عيشت فيها مع اخ واخت وبابا وماما فضلوا برا حصلتلي حاجات غريبة جوا الشقة الاول اصوات و جسمي يقشعر فجأه و احس حد معايا في الحمام و بعدها حلمت بواحدة ست لابسه جلابيه بيتي قديمه في المطبخ بعمر 28 تقريبا نفس طولي و جسمي و ملامح قريبة مني و معاها طفلين صغيرين قاعدين على الرخامة سنه ونص 3 سنين تقريبا وطفل تالت عمره شهور على كتفها اليمين و هي خاېفه و بتتلفت بتبص عليا من باب المطبخ قلقانه مني و بتحاول تهدي أطفالها الخايفين و انا واقفه مكاني معملتش حاجه كان حلم غريب بعدها الأمور زادت خصوصا بالليل كنا في الشتا ونايمه على سريري صااااحيه و الدنيا هادية فجأه الشراب إتقلع من رجلي الشمال و الله العظيم اټفزعت من المفاجأه بصيت على رجلي لقيت الشراب جنبها فعلا رميته ونمت معرفتش اعمل ايه يعني بعدها في ليله برضو نايمه لقيت اختي سابت سريرها و نطت جنبي لزقت في قفايا قلقت من نومي سألتها في ايه قالتلي ششششش اسكتي نمت زي الطوبة الصبح سألتها كانت مړعوبه وقالتلي بالليل متأخر اوي هيا قلقت على صوت في الصالة افتكرت إني صاحيه لسه هاتنده عليا عشان أجيبلها تشرب سمعت صوت طفل في الصالة سكتت وغمضت عنيها زي ماكانت عالسرير بس صاحيه و ماسكه نفسها بالعافية الطفل دخل الغرفه ووقف قصادها و سكت تقريبا وشه في وشها كانت نايمه على حرف السرير الطفل حط إيده على إيديها من غرابة الموقف اختي حركت صباعها لمست جسمه كأن ملمس هدومه قديمه و فضلت مغمضه وكأنها نايمة تقريبا 5 دقايق لغاية ما حست إن الطفل مشي معرفش إزاي شټمتها و قولتلها نمتي ورايا و سايباني أنا إللي في الوش

بعدها اللي حصلي انا و اختي اتعرفت في شارعنا على محامي بالصدفه عربيتي كانت قافله على عربيته مقصدش كان ذوق معايا جدا وسألني ساكنه فين عشان لو اضطر يبعتلي بسبب العربية و ما يتلطعش تاني ولما شاورتله على سكني سكت و برأ عينه و حاول يبان طبيعي و أنا ما صدقت حسيته عارف حاجه سألته دايركت الشقة دي فيها مشكلة قديمه . فهمني علطول وطلب مني ما أقولش لحد إني عرفت منه قلقت قاللي في تاجر عجوز ساكن فوقكوا بدورين حفيده دبح مطلقة و أطفالها كانوا عايشين في شقتكوا و القاټل محپوس من 7 سنين تقريبا و محدش سكن في الشقة بعدها غيركم
حسيت إني هأموت و أعرف ليه قټلها في الفترة القصيرة دي فيوم كنت بتعشى مع اختي في مكدونالد فرع ماروحتوش قبل كده قبل عيد الأم بأيام وقتها كانوا عاملين كادوا محفظة للميك أب وكان قدام المطعم ستات بيشحتوا وقفت واحده منهم لازقة في شباك العربية بتبتسم بعينيها بس وبتقوللي بقرأ الودع ياشابه خفت و منها عرفت إن اللي اندبحت شبهي و كانت مطلقه و بتعمل أسحار على فئران للتاجر العجوز و كان مرافقها من ورا أهل بيته و بسبب أسحارها خسر فلوس كتير فجأة و باع أملاك
عياله