الطلاق نهاية ألم

قصة حقيقية عن لسان صاحبها 
بعد ١٤ سنة جواز 
واخر سنة كان كلها خناقات بسبب المصاريف زادت وانا كنت موظف بنك في دولة خليجية ورجعت نهائي واشتغلت اوبر
طلبت الطلاق او تكتبلي الشقة باسمي 
خلاصة الموضوع 
شهرت بيا بكل مساوئي لاهلها وجيراني وراحت محكمة والجو دة .
انا عملت حاجة واحدة 
قولتلها انا عمري ما رفضتلك طلب ولما الدنيا ضاقت مش برفض لكن مش قادر 

والحمدلله مستورة .
بس طالما وصلت انك تدخلي قسم شرطة عشان تتهميني بكل الاټهامات اللي في ٧بدة مؤتة يبقى انتي واخدة قرارك .
وعينك في الشقة وابنك عندة ١٤ سنة . واديتك فرصة ٣٠ يوم تفكري.
انا بعت شقتي بمليون واديتها ٥٠٠ الف وتحملت نفقة شهرية للولد مكنتش تحلم ان المحكمة تديهالها . وتحملت كل مصاريف ابني الدراسية والحياتية والعلاجية .
وعملنا ورقة عقد اتفاق وكل مضى وانتي طالق وزي ما اخدتك بشنطتة هدومك ارجعي بيها وفوقيهم نصف مليون جنية .

وربنا معاكي وانتي كنتي اسوء ذكرى ومش عايز افتكرك.
بالامانة انا تعبت اوي من هوان العشرة .
بفضل الله
وقفت على رجلي 
وشغلت فلوسي 
وجبت شقة وفرشتها وعندي شغل كويس

وسنجل وبحسد نفسي على كرم ربنا ليا .

وهي للاسف 
مشت شمااال 😂😂😂

زعلان على ابني والله بس بكرة يكبر وحيجيلي ڠصب عن عين التخين 
وهي صرفت الفلوس على علاجها من الشلل اللي جلها من نظرات الناس ليها .
الفلوس تحت رجلي والبيت تحت رجلي لانهم بفضل الله وانا اجتهدت عشان احافظ على بيتي ولكن الله غالب.
وانا واثق ان الكاس حيلف وكل واحد فينا حيرجعلة اللي عملة في التاني.

من ناحيتي انا استفدت من الطلاق اوي .
اولا وفرت مصاريف البيت اللي مبتخلصش
اهتميت بنفسي ورجعت بكامل طاقتي بفضل الله 
انا سلام داخلي لاني مش مسؤول عن حد . هو راتب شهري بيتدفع وربنا بيرزقني بيه وبهتم بابني من بعيد ومش ناقصة حاجة الحمدلله.
لاقيت عندي وقت كافي اني اشتغل كذا حاجة واتعلم كذا حاجة واتفسح كل اسبوع في اماكن مكنتش اتخيل عن حروحها بالروقان دة .