مرات أخويا

فلوس الحفله قولتلها قوليله بباكي دفعلك الفلوس وخلاص واهو يوم هنفرح فيه 
ومتزعليش نفسك وعلشان هي ف بلد والكليه بتاعتها ف بلد تانيه جمب بيتي قولتلها تعالي عندي من اول اليوم نتغدا مع بعض واعملك وشك واعملك ميك اب ونروح من هنا وكده انا شقتي جمب الكليه بظبط هي فرحت اووي اوي وفضلت تحضن فيا مع العلم فلوس حفله التخرج بيبقي المفروض ان ليها اتنين مرفقين وبعد كده اللي عاوز يجي زياده بيدفع لنفسه تذكره وقولتلها شوفي هتجيبي مين وكده معانا ع اساسا انا وهي وحد معانا دلوقتي لاقيتها بتقولي انها هتاخد الاتنين المرافقين 
باباها ومامتها ومجبتش سيرتي خالص والمفروض بقي ان انا لو عاوزه اروح ادفع لنفسي تذكره وكده بصراحه انا زعلت اوي ف نفسي ان بعد كل ده مش هتاخدني مرافقه طب حتي كانت جابت مامتها وكانت قالت لبابها يدفع فلوس تذكره دا انا دفعلها مبلغ كبير للحفله ومحدش بيساعدها ف اي حاجه غيري وعملت كل ده علشان افرحها زي اصحابها واغير نفسيتها
هل معايا حق فعلا اني ازعل واقولها حاجه ولا لاء لاني متعودتش ابدا اني ازعلها ولا احرجها دا انا والله العظيم لما ببعت اجيب خاجات حلوه وانا عند ماما لازم اجيبلها زي وزي عيالي واقولها عاوزه شيبسي بطعم ايه وايس كريم نوعه ايه وتفضل تتصل عليا وتقولي تعالي بقي علشان تعمليلي وشي وشعري
وبترجع من الكليه تلاقي ماما شويلها السمك وطبخالها الرز لانها لوحدها من يوم ما اتجوزت مع ان اخويا ده الوحيد وهي طيبه ولا بتعمل لماما اي حاجه خالص ولا حلوه ولا وحشه وكلنا بنحبها هل ليا حق ازعل فعلا ولا لاء