جوزي لففني كعب داير

لسلام عليكم أنا هحكي مشكلتي وعاوزة حل بالله عليكم أنا بمووت دي قليله عليا أنا كنت متجوزه وأنفصلت بطفلين وقعدت 3 سنين بتمرمط في تربيتهم مابين شغلي حكومي وشغل خاص عشان اعرف اصرف وابوهم لففني كعب داير عشان اعرف اخد جنيه منه المهم بعد 3 سنين واتقدملى ناس كتير جدااا اللى مش موافق بشغلى واللى مش موافق بعيالى اتقدملى حد اكبر منى بي 26 سنه بس مش باين عليه ورياضى وكده ومحترم قالى انه مطلق وهيشيل عيالى في عينه وكده المهم قعد سنه يحاول يقنعنى وانا مكنتش متقبلاه في الاول وبعد كده وافقت عشان هو الوحيد اللى رضي بوجود عيالى جه اتقدم راح قال لاهلى انا مطلق ام عيالى من سنتين ولسه في واحده على زمتى ومتفقين ع الطلاق خلاص بتلم حاجاتها وكده المهم انا اټصدمت ان في واحده تانيه بس مش مخلف منها قال لأهلي عاوزين نمشي في الخطوبه والجواز وكده قبل مطلق تمام عاوزين نخلص واجيب الشبكه وبعد كده انا ماشي فى أجرأت الطلاق تمام براحتكم لاقييت أمي الله يسامحها قالتلو لأهات الشبكه وطلقها براحتك عجل بالجواز جدا أتخطبت في شهر ونص وجاب 80 فى الميه من كل حاجه في الشقه وعيالى معايا من 3 يوم جواز وشايلنى وشايل عيالى الشهاده لله من على الأرض شيل وكمان شايل أهلى مع العلم احنا حالتنا الماديه كويسه بس هو بيحب يوجب مع اى حد حواليا ويحبب كل الناس فيه عشان المصاېب اللى عرفتها بعد كده بعد شهر جواز قعدت اقوله فين القسيمه طلقت ولا لسه يتوه جاب القسيمه وهنا ملقتش مصېبه واحده لقيت اتنين مرجع أم عياله ولسه علي زمته التانيه اللى قال هطلقها اللى مش مخلف منها قعدت اصوت وألطم واڼهارت قالى أعلى ما فى خيلك أركبيه لو مش عاجبك أتطلقى وغورى فى داهيه رحت لأهلى شتموني وبهدلوني وقالولى استحاله تطلقى منه ومش هنستقبلك فى بيتنا وكده وهنمرمطك ده عملك وجابلك وسوالك وهكزا وبيحبنا وواقف جنبنا كلنا عشان خاطرك