رواية قدر الزين بقلم أيات الرحمن

رواية قدر الزين الحلقة الأولى
عارفين يعنى ايه اهلك يجبروك تسيب حبيبتك اللي عيشت سنين ترسم احلام بريئة لحياتك معاها ويزوجوك من بنت انت عمرك ماشوفتها ولا قابلتها لمجرد ان هى بنت خالتك والوحيده لاهلها وعشان والدتها تطمن عليها تزوجها هى كمان لحد ماتعرفوش وبردوا لمجرد ان هو ابن خالتها وهتعيش معاه مرتاحه والكلام ده
وتكتشف يوم زواجك ان بنت خالتك اللي اتجبرت تتزوجها دى هي حبيبتك وبعد ماتعيش معاها عام كامل في حب وغرام ييجي ليها کانسر ياخدها منك وتتحول حياتك من الحب للۏجع
بس ياتري حكايتي هتقف علي كدا ولا للقدر رأي وحكم أخر

نبدء حكايتنا من الأول عشان نفهم احداثها بتدور حول ايه
حنين انا اسف بجد ڠصب عني اسيبك صدقيني مش بإيدي ان نفترق اهلنا عايزين كدا عايزين يوجعونا ويحطموا قلوبنا انا بجد ومش ببالغ في الكلام انا عمري ماحبيت ولا هحب غيرك وكانت فرصه سعيدة اوي معرفتك ومقابلتك وبتمني من ربنا يجمعك بالأحسن مني اللي يصلح الكسر اللي اتسببته ليكي في قلبك انتي تستاهلي كل خير
قال الكلام ده ودموعه علي خده وهى كمثل
وسلم عليها ومشي وهى كمان رجعت بيتها وهي بتدعي ربنا يصبرها علي فراقه ويقدرها علي نسيانه
يلا يا حنين عشان خالتك هتجهزك
كانت بتتمنى في الوقت دا تكون بتجهز لحبيبها اللي خسرته للابد وبعد شويه دخل احد افراد العائله واخد امضاءها وخرج جهزت حنين ولبست فستانها الابيض والطرحه عليه ووشها متغطي ودموعها مش عايزه تقف
وهو مضي على اوراق الزواج واخدها ومشي من غير كلمه واحده
وفي بيتهم بقي
يلا يازين عروستك جوا ومستنياك خلي بالك منها البنت عمرها مشافتك ولا قابلتك فهتكون صعبه عليها شويه
صدقني ياابني انا حاسه بيك بس مش بإيدي غير ادعي ليك براحة البال
ودخل زين ورفع الطرحه من علي وجه زوجته ليتفاجئ بحبيبته قدامه في الاول فكر ان هو بيتخيل لكن بعدها عرف ان دي حقيقه
حنين معقول انتي
زززين
ايوه زين انا مش مصدق ان انتي معايا ازاى دا حصل معقول انتي بنت خالتي
ياااه احساس صعب اوى اخسرك في يوم واكون معاكي من جديد
ملحوظه بنت خالته ومايعرفهاش بتحصل كتير انا شخصيا مااعرفش اولاد خالاتي ولا اولاد عماتي 
عاش زين وحنين اجمل سنه في حياتهم لكن القدر كان ليه رأي وحكم أخر ويشاء ان تتعب حنين بالکانسر وتكون في المرحلة الأخيرة منه
يتبع
رواية قدر الزين الحلقة الثانية
بعد سنه من زواجنا تعبت حنين واكتشفنا ان هى عندها کانسر وفي اخر مرحله كان خبر صعب جدا عليا اتحمله وحبيبتي بتضيع من ايديا ومش عارف اعمل ايه شهر وانا بټعذب عشانها وبموت في كل لحظه من كتر التفكير لو راحت منى وبعد شهر كانت حنين بعدت وللابد ماكنتش عارف هعمل ايه من غيرها صعبه اوى بجد تخسر حد عايش في دمك
مرت سنه علي فقدانها وقررت اني مش هستسلم ولازم ارجع قوى هي موجوده في قلبي وعقلي ومستحيل انساها
نزلت شغلي عادي في بداية العام الدراسي الجديد
انا دكتور في الجامعه
في طريقي للجامعه
كنت مشغول بالتفكير في ذكراياتي مع حنين وفقت علي اخر لحظه لما كنت هخبط في عربيه تانيه
دقات قلبي كانت بتذيد جدا وحمدت ربنا ان هى عدت علي خير
وصلت الجامعه
ونزلت من عربيتي وانا متوتر شويه لان دى اول مره من سنه انزل الشغل
استغفرت واخدت نفس طويل اوى وقولت انا ادها وبدءت اعد لان العد بيهديني شويه وبيقلل توترى لكن وقفت عد لما جذب انتباهي بنت من الجامعه
بتخرج شيكولاته من شنطتها وبتأكلها لطفله صغيره واضح عليها ان هى من الناس المحتاجين فضلت واقف ومتابع
الموقف لحد الطفله ماأكلت الشيكولاته وخرجت منديل ومسحت ليها مكان لخبطة الشيكولاته
وطبطبت علي كتف والدة الطفله ودخلت الجامعه وهي مبتسمه
مريت الست وطفلتها من قدامي وسمعتها بتدعي ليها براحة البال وجبر الخاطر زى مابتريحها وبتجبر بخاطرها هي وبنتها
دخلت الجامعه وانا في حاله من الذهول هو لسه في ناس كدا
دخلت وبدءت المحاضره وانا ببحث بعيوني عنها بعد ماعرفتهم بنفسي
مش موجوده بينهم حسيت اني فقدت الأمل شويه لحد مالقيت حاجات بتطير من شنطه واعتذارات
انتى ياانسه
انا
ايو ماكملتش كلامى لما لقيتها هى
في حاجه يادكتور
ها
حضرتك ناديت عليا
اه انا كنت بقول ايه
سورى يادكتور
بجد ماكنتش مركزه بس حاجتي مش لقياها وموبايلي كمان وعندي مقابلة شغل بعد الجامعه وحتى فلوس المواصلات مش لقياها
كل ده وكملت بصوت خاڤت هو خيرا تعمل شړا تلقي
طب اتفضلي وركزي معايا هعيد تانى
بعد شويه
انتي ياانسه
طبعا انا لو اعتذرت من حضرتك الف مره هبقي غلطانه معلش ممكن تعيد تانى اخر مره
ليه هو انا هنا تحت امر سيادتك اتفضلي اخرجي برا
ليه هو انا عملت ايه قولت لحضرتك عندى مقابلة شغل مهمه وحاجتي ضاعت منى اعمل ايه بقي انا دلوقتي
قولت برا
حاضر يعني هتطردنا من الجنه وهى خارجه قالت پغضب علي فكره انت كدا بتخسر طالب
انتى طالب انتى انتى السنه الكام ليكى هنا
الثالثه
طب اتفضلي
كتك القرف وانت حلو كدا
بتقولي حاجة
انا اسفه بجد
اخرجي برا
طب اخر مره
قولت برا
حاضر
اوووف بقي هعمل ايه انا دلوقتي انا متأكده ان كل حاجه كانت معايا
الموبايل والفلوس و السي في كل دا اختفي ساعدني ياربي لازم اشتغل عشان عملية بابا نفسي اشوفه بيمشي تاني
اليوم خلص ورجعت البيت وانا فقدت الأمل والدي مريض ولازم يعمل عمليه ضروري عشان يمشي حاولت ادبر اي شغل مفيش حد محتاج انى اشتغل عنده وكان اخر امل ليا اشتغل في شركه محتاجه موظفين من اي عمر ومش لازم يكون تعليم عالي تكون بتكمل تعليم عادي او متخرجه
ياقمراااات الروايه مش حزينه هى بس اول كام بارت كدا وبعدين كل حاجه هتتغير
موبايلي ضاع وكان عليه ارقام اصدقائي وصديقتي اللي جابت ليا الشغل ده
وكمان مصاريف المواصلات والسي في دخلت بيتنا وانا عندي كمية يأس رهيبه ولقيت بابا التعب ذايد عليه وعلاجه خلص مش عارفه هتصرف ازاى
طب هجيب فلوس الادويه منين ومين هيرضي يسلفني تاني انا تقريبا بقيت عليا ديون للشارع كله وعليا ثمن ايجار البيت سبع شهور ودا اخر شهر لينا هنا وصاحبة البيت تخرجنا منه لو مادفعناش الايجار
دخلت اوضتي وقعدت على الأرض وضميت نفسي وبقيت ادعي ربنا يحلها من عنده لان بجد تعبت من كتر ماالناس بتطلب حقها وانا مش معايا وكل شغل بروحه مش بلاقيهم محتاحين حد معاهم حتى اخر امل ليا فقدته
يتبع
رواية قدر الزين الحلقة الثالثة
بعد مافقدت الأمل في علاج والدها وشغلها اللي لسه مابدءتش بيه وتليفونها اتسرق وفلوسها والديون المتراكمه عليها
فضلت تبكي وتدعي ربنا يهون عليها كل دا وفكرت في الوقت دا تبيع . كليتها
مفيش قدامها غير كدا ودا انسب حل
بس الكليه مش هتسدد ديونى وتعمل العمليه لبابا كام شهر بس ومش هيمشي تانى
يارب خليك معايا
تاني يوم نزلت الجامعه ومفيش معاها غير ثمن مواصلاتها وهى رايحه بس وهيفضل معاها فلوس بسيطه مش هتكمل ترجع بيهم
في طريقها للجامعه طلعت وقفت علي الطريق ومستنيه تاكسي او اى حاجه الجو كان لسه الصبح كدا بس الشمس كانت طالعه وضوءها جاي عليها لتتفاجئ بعربيته