رواية فيلا نوال بقلم كوكي سامح كاملة من الفصل الأول الى الفصل الاخير
دى حياتك واحنا مالناش دعوه بس مش فهماكى بجد
عنان.. بكره تفهمى
وبعد ما خلصوا كلام وكل واحده فيهم راحت على بيتها وعنان كانت متفائله ودخلت شقتها وقعدت مع مامتها ومتكلمتش فى اى حاجه تخص موضوع شغلها مع نوال ودخلت تنام كالعاده وفضلت قاعده ومسكت الفون وقعدت على الفيس وفتحت اكونت نوال وفضلت تتصفح وشافت صور ولادها وأهلها وقالت الغريبه انها مش منزله صوره ليها مع جوزها خالص وقامت خرجت الصاله واتأكدت ان مامتها نامت وكانت الساعه 12 بالليل
.. فى حاجه يا نونه
.. اه فى حاجه غريبه يا جلال البنت اللى كلمتك عليها النهارده البيبى ستر الجديده باعته صورتها وبتقول انها واقفه تحت وصاحب البنسيون حاول يختصبها وكمان هربت
.. لا حول ولا قوة الا بالله الدنيا مبقاش فيها امان يا حبيبتى وهتعملى ايه دلوقتى
.. انا نازل معاكى
وفعلا نزلوا الاتنين وهما مخضوضين وخرجوا وفتحوا البوابه وعنان جريت عليهم وقالت.
.. الحقينى يا هانم صاحب البنسيون حاول يختصبنى وانا هربت
.. اهدى يا عنان احنا معاكى
.. فين البنسيون وانا هروح أعلمه الأدب ابن الكلب ده
.. هو مين الاستاذ يا هانم
.. ده جوزى الاستاذ جلال اكبر محامى فى البلد
. عنان قالت فى سرها نهار اسود هى ناقصه وهعمل ايه دلوقت
.. فين البنسيون يا انسه
.. ها خلاص يا استاذ المسامح كريم
.. ازاى تسيبى حقك بالسهوله دى مټخافيش احنا معاكى انا بتليفون منى ابهدله واجيبه يبوس رجلك!
. وقربت منه وقالت وفى عنيها خبث محدش يفهمه احنا غلابه يا استاذ مش حمل فضايح وبهدله وانا بنت والناس هتجيب فى سيرتى وساعتها هيقولوا ده عمل وسوى فيها وانا محلتيش غير شرفى وسمعتى وحضرتك عارف احنا فى مجتمع مبيرحمش الضعيف وانا ضعيفه يا استاذ
ودخلوا الڤيلا واول لما دخلوا عنان اغمى عليها وجلال شالها وډخلها فى اوضتها وحاول يفوقها
.. البنت شكلها تعبان اوى وصعبان عليه يا نوال
.. فعلا دى تصعب على الكافر والله يا حبيبى
.. اطلعى هاتى برفان من اوضتك بسررعه
ونوال طلعت تجيب برفان وهو بيحاول يفوقها وهى مغمى عليها ونوال نزلت ومخضوضه من منظر عنان وابتدت تشممها البرفان وعنان فاقت
.. اهدى بس لو سمحت يا جلال اخرج بره علشان البنت تغير هدومها
.. طيب لو عاوزه حاجه اندهى عليه وخرج بره وقعد فى الصالون وطلع سېجاره وكان حيران وقال فى حاجه غلط البنت دى معاها شنطه هدومها يبقى ازاى هربت من البنسيون وبعدين من شكلها واضح انه حاول يغتصبها او يتحرش بيها لو حصل كده فعلا مش هتاخد هدومها
تليفون جلال رن وقطع تفكيره ولما رد كان اخوه فهمى وشريكه فى نفس الوقت فى مكتبه وكان بيكلمه على شغل ولما قفل معاه نوال خرجت
.. اخيرا عنان نامت
.. هى بقت كويسه دلوقتى
.. الحمد لله يا حبيبى انا بجد اضايقت علشان البنت دى اوى اكمنها يتيمه وملهاش حد
.. هى فعلا يا نوال صعبت عليه بس انتى سألتى عليها كويس يا حبيبتي
.. اه انا اعرفها دى تبع مامت مها الشغاله الست ساميه
.. يا حبيبتى انا معرفش حد غير السواق والطباخ والبيبى ستر علشان دى بيكون معاها ولادى وياريت تتأكدى منها كويس علشان ولادنا هيكونوا معاها اغلب الوقت
.. انا اعرفها يا جلال وبطل بقى الشك اللى فى دماغك ده
. وعنان واقفه بتتسنط وسامعه كلامهم وقالت الراجل ده مش سهل ومكنتش عامله حسابى عليه بس عادى زيه زى اى كلب عاوز عضمه علشان يجرى وراها وانا هديله العضمه دى ياكلها زى ما هو عاوز بس يبقى تحت طوعى
ودخلت تنام وهى متحسره على عيشتها وغيرانه من عيشه نوال
وفى صباح اليوم التالى فى شقه عنان
الام قامت من النوم واكتشفت هروب بنتها ونزلت جرى فى الشوراع زى المجنونه تتدور على بنتها وراحت قسم الشرطه تبلغ بس عرفت ان المحضر الرسمى بيكون بعد 48 ساعه وخدت بعضها وراحت
