رواية فيلا نوال بقلم كوكي سامح كاملة من الفصل الأول الى الفصل الاخير
يعرف يحب
.. ليه ومال اللى زينا اتكلمى عن نفسك بقى ده انا قمر وطالعه لماما كمان الله يرحمها بقى
.. انتى يتيمه يا عنان ابوكى وامك ماتوا ده انتى لسه صغيره
.. اه ماتوا وسبونى لوحدى فى الدنيا دى بس اتعلمت حاجه ان الايام والليالى هى اللى بتعلم
.. ربنا يسعدك يا عنان انتى شكلك طيبه وبنت ناس
.. اه بس مكملتش تعليمى من الفقر بس لما امسك فلوس من الشغل هنا هقدم جامعه مفتوحه واكمل تعليمى
.. اشمعنى يا نرجس
.. أصلها سخيه اوى وطيبه بجد عارفه لما ابويا عمل عمليه فى القلب كانت عمليه كبيره وغاليه هى اتبرعت بكل حاجه وكمان ساعدتنا فى مصاريفنا انا واخواتى
.. ما شاء الله عليها دى بطير فلوسها هههه
.. دى عندها فلوس ياما بالكوم هما الناس اللى زى دول فلوسهم بتخلص وبعدين ده خير يا بت
مجدى قرب منهم وقال
.. بت يا نرجس مش كذا مره قولتلك القطه دى متدخلش الڤيلا خالص
.. وانا مالى العيب منك انت تلاقيها جاعت وانت مطنشها
.. الحمد لله أسمى عنان
.. نرجس القطه مكانها فى الجنينه بس لأن جلال بيه بيقرف وبيخاف تشم الأكل زى ما حصل النهارده
.. حاضر بصراحه عندك حق بس هى وقعته والطبق اتكسر وعم عبده كان على آخره هههه
.. منورة يا عنان
.. منور يا مجدى ومشيت وراحت تقعد مع الاولاد وفهمت ان الأكل وقع ومحدش عرف حاجه علشان كده الفطار اتغير
.. فى حاجه يا مدام نوال
.. لا يا عنان بس طمنينى على الأولاد كويسين
.. اه يا مدام زى الفل بس حضرتك مالك
.. مفيش مفيش وطلعت اوضتها
. هو فى ايه يا عنان
.. معرفش زى زيك بالظبط وقالت فى سرها ده شكل كده فى انه فى الموضوع ولازم اعرف فى ايه بالظبط وطلعت على اوضه نوال زى الدحلابه واستأذنت ودخلت
.. لا بس شويه تعب من الحمل
.. ربنا يقومك بالسلامة والتعب يعدى على خير
.. لو سمحت يا عنان خلى بالك من الولاد وسبينى لوحدى دلوقتى وفعلا خرجت وقفلت باب الاوضه عليها وفضلت واقفه تتسنط يمكن تعرف حاجه
تليفون نوال رن وكان احمد مدير المعرض وقفلت معاه وهى مضايقه وعلى نارها وقعدت على السرير بتفكر فى المصېبه اللى هتقع على دماغها وخصوصا لو طلع الكلام اللى عرفته عن جلال صح ده حب عمرها كله
عنان.. هى مال مدام نوال دى نزلت جرى وكأنها مش شايفه حد قدامها
نرجس.. تلاقيها متخانقه مع جلال بيه
عنان.. معقول مع ان باين عليهم بيحبوا بعض اوى
نرجس.. يا حبيبتى الرجاله كلهم زى بعض وخصوصا استنى لحد يسمعنا تعالى جوه وانا هقولك حكايته ايه ودخلوا اوضه نرجس وابتدت تحكى وتقول
جلال ده كان حته محامى كحيان واللى اعرفه ان ابوه كان راجل بيفهم فى الأعمال والسحر والست نوال دى مفيش زيها من اول ملكه هانم
عنان.. مين ملكه هانم دى
نرجس.. يا بت ما انا بقولك اهو ملكه دى تبقى ام نوال هانم الله يبشبش الطوبه اللى تحت راسها
عنان.. انتى تعرفيها
نرجس.. ابويا كان يعرفها كويس ما هو كان بيخدم هنا من زمان وملكه هانم كانت طيبه وبتعمل اعمال خير كتير ومكانتش بتخلف من الأساس وربنا كرمها بعد سنين وسنين ب نوال وسمت الڤيلا على على اسمها وده كان كلام شيخ ليها
عنان.. شيخ مين انا توهت وعاوزه افهم تقصدى ابو جلال بيه
نرجس.. لأ بقولك شيخ ابو جلال بيه ده مالوش غير فى السحر والدجل يجعل كلامنا خفيف عليه
عنان.. طيب كملى
نرجس.. اللى اعرفه ان ابويا قالى هى شافت رؤيا وراحت لشيخ وقالها هتخلف بنت بس تربيها على عمل الخير وتسمى الڤيلا على اسمها واى حد يحتاج مساعده متردوش وفعلا هى ربتها على كده وعلى اعمال الخير وبصراحه لما ابويا عمل العمليه مقصرتش وعملت اكتر من ملكه هانم الله يرحمها لحد ما ظهر جلال فى حياتها
عنان.. كملى ظهر ازاى
نرجس.. مدام نوال دى ست ولا كل الستات حلوه وجميله وطيبه بس يا خساره مفيهاش غير عيب واحد
عنان.. ايه هو...
نوال وصلت المكتب ولقت الباب مقفول وفتحت شنطتها وطلعت نسخه المفتاح اللى معاها وفتحت ودخلت وكان المكتب فاضى وسمعت صوت جاى من الاوضه التانيه وفتحت الباب وشافت...
فى الڤيلا
الست نوال مفيش زيها
