رواية منتقبة ولكن
اتا هعمل فيه ايه انا مش عارفه بيتعمل ازاي...
ادهم فين الغدا علشان مېت من الجوع يا....
اسراء سراء..
بصيتلها وقولتلها يا اسراء وابتسمت.. وهي كمان ابتسمت..
جابتلي فراخ ومكرونه وجابت النسكافيه وجات قعدت جنبي علي السفره..
اكلت وبعدين لاحظت انها مجبتش طبق لنفسها وقاعده ساكته وبتتفرج عليا..
انا مش هتاكلي يا اسراء!
سابتي لحد مخلصت اكل..
انا علي فكره اكلك حلو..
اسراءشكرا..
بصيتلي بعد ممسكت مج النسكافيه فى ايديها الأتنين.. وقالتلي.. انا امبارح بس وقت مكلمتك بزعيق قررت اني مش هسكت علي اهانه تاني في حياتي...
متفتكرش او تتخيل ان في واحده وافقت تتجوزك خلال أسبوع من وقت متقدمتلها بأرادتها..
انا اسراء عمري 24 سنه خريجه صيدله حفظت القراءه وختمته وانا عندي 20 سنه ماما الله يرحمها هي الي حفظتني القراءه كله.. كانت بتحفظ ناس كتير ومن ضمنهم والدتك.. بس ماما ماټت في نفس السنه دي.. وبابا اتجوز واحده.. كانت مرات اب بمعني الكلمه.. قصيتلي شعري مره وانا نايمه.. وريتني ايام ميعلم بيها الا ربنا وعلشان بابا طيب مكنش بيقدر يكلمها.. كنت كل يوم بتهان بمعني الكلمه.. لدرجه اني قررت اڼتحر مره... بس مقدرتش..
وبعدها عرفت ان العريس الي متقدملي ابنها... فوافقت علشان اخلص من شړ مرات ابويا...
وعيونها دمعت في اللحظه دي وقالتلي فلو هنا كمان شړ.. قولي..
مش هقولك علشان اڼتحر.. لان انا عمري مرتكب الچريمه ديه. بس قولي علشان اعرف اخد حقي...
وقامت وقفت ومسحت دموعها وقالتلي حكايه مأساويه صح....
تصبح علي خير..
انا شكرا يا اسراء علي دعوتك ليا النهارده.. انا اترقيت بسببها..
بصيتلي وابتسمت ودخلت...
انا في سري..
هفضل ع الوضع ده لحد امتا..!
ليه كدا بس يا امي..
خرجت اسراء الساعه 9 من اوضتها وقالتلي..
انا مش عارف..
اسراء انت متخيل ان 5 دقايق في كل صلاه كل يوم تقف فيهم قدام ربنا بيحموك من ڼار جهنم..
عارف يا ادهم انت لو صليت حوالي 27 يوم ورا بعض وقررت تاخدها تحدي عمرك مهتقدر توقف صلاه بعدها غصبن عنك مش بمزاجك علي فكره..
كل حاجه بتبقا بدايتها فكره
ادهم طيب نتراهن..
اسراء بأبتسامه اه حوالي 27 يوم..
ادهم خلاص اشطا..
اسراء بأبتسامهاشطا..
هبقا اصليك لصلاه الفجر بقا..
ووانا معدي من قدام باب اوضتها الساعه 12 سمعتها بټعيط بس مشيت ومخبطتش..
تاني يوم روحت الشغل..
حسام شكل الجوازه ديه وشها حلو عليك يا معلم...
بصيلي فيها.. يا اخويا اكتر ما هي ناقصه..
هي طيبه وكل حاجه بس انا لسا مبحبهاش..
انا ازيك يا ناما عامله ايه دالوقتي...
ماما مليكش دعوه بيا المهم انت عامل ايه..
انا انا الحمدلله والله يماما..
ماما انا بخير طول ما انت مبسوط كدا ومريحني...
مجبتش اسراء معاك ليه يحبيبي..
انا امم اممم. علشان انا طلعت من الشغل علي طول ومقولتلهاش
ماما المره الجايه متجيليش من غيرها... وتحطها في عينك يا ادهم.. اسراء دي لو لفيت الدنيا دي بحتلها مش هتلاقي زيها.. خليك فاكر الكلام ده كويس..
نرلت من عند ماما بعد محلفت عليا اتغدا معاهم وروحت علي الساعه 9 بالليل كدا بعد مقعدت مع اصحابي شويا..
دخلت من باب البيت لقيت النور مطفي.. واسراء في اوضتها.. قولت مممن تكون نايمه بقا..
دخلت المطبخ علي الساعه 11 ملقيتش في طبيخ معني كدا انها مدخلتش المطبخ..
انا في سري وانا مالي بيها دا انا بتمنا تختفي من حياتي.. مش هخبط عليها لاء...
ايه ده انا مصليتش العشا لسا..
روحت اتوضيت وصليت العشا وظبطت المنبه علي وقت صلاه الفجر..
صحيت وروحت اتوضيت وقولت اصحيها بقا علشان تصلي الفجر وامري لله
مهيا صحيتني امبارح اردهالها وتبقا خالصين..
روحت وقفت قدام باب الأوضه وخبطت..
يا اسراء... اسراء مبتردش... فضلت تخبط لمده 3 دقايق ومفيش صوت..
قلقت روحت فاتح الباب لقيتها نايمه علي السرير...
روحت وقفت جنبها وبصيت علي وشها لقيته احمر خالص وبيطلع ڼار...
انا اسراء.. اسراء اصحي علشا صلاه الفجر...
سمعتها بتقول.. والنبي يا ماما خوديني معاكي والنبي...
حطيت ايدي علي دماغها لقيتها سخنه جدا...
فضلت اكلمها.. بردو في دنيا تانيه...
روحت جبت مبا ساقعه وتلج وفوطه وفضلت اعملها كمادات بس مفيش حاجه بتتغير وانا اصلا مش عارف اتعامل.. ولا بعرف في الحجات دي ومفيش
هنا علاج...
مسكت التليفون واتصلت بحسام...
الو يا حسام..
اسراء تعبانه ومبتنطقش وانا مش عارف اعمل ايه..
حسام كان نايم اسراء مين يا ابني..!
انا الي انا متجوزها..
حسام مراتك يا ادهم.. متقول مراتي
بص اخويا في المستشفي دالوقت هكلمه واجيلك وناخدها علي المستشفي....
انا لا لا خليك انت كلمهولي بس وانا هروحله...
نزلت الاول فتحت باب العربيه وبعدين طلعت شيلتها ونزلت وحطيتها في العربيه واول موصلت المستشفي.. الدكتور اخو حسام جالي بنقاله علي طول واخدها بسرعه...
البنت ديه صعبانه عليا جدا..
اخو حسام ازاي سيبتها لحد متوصل للمرحله ديه دي محتتجه نقل
