رواية العنيد
وايه اللي مانعك
ادهم يوووه كتير
ليلي بتهمس وهيا بتتكلم وباصه لتحت ورفعت عينيها لعنيه وشافت حب صادق جواه... اول مره تلمح الحب جوي عنيه...
ليلي ادهم...
ادهم شاوري
ليلي بطل تخليني اندم
ادهم يبقي اخرجي بره بيتي وانسي انك عرفتيني في يوم من الايام وانسي اسمي
ليلي مقدرش
ادهم معرفتك ليا في حد ذاتها ندم يبقي ازاي ما اخلكيش ټندمي
ليلي طيب بطل تبعدني خليني قريبه
ادهم انا عايزك قريبه بس انتي اللي بتبعدي ديما... مش قادره تفهميني وبتبعدي عني مع اني طلبت منك كتير تفضلي بس انتي بتشوفي الظاهر بس ما بتحسيش بيا
ليلي ولا انت بتحس بيا
ادهم جيتلك ومشيتيني من عندك... ودلوقتي جيتي انتي ليا فهميني انتي عايزه ايه مني
ليلي انا مش عايزه منك حاجه...
ليلي انا عيزاك انت كلك علي بعضك
ادهم شد ايديها من علي قميصه وحطها حوالين رقبته وضمھا... ضمھا جامد جدا لدرجه انها حست انه عايز يدخلها جواه
كانت واقفه علي طراطيف صوابعها علشان تبقي في مستواه فهو رفعها من علي الارضه
وهيا ايديها حواليه بتشده جامد ليها اكتر واكتر
شوق ولهفه طال انتظارهم
مسك ايديها ونزلها ورجع خطوه لوري
ادهم اقلعي هدومكال ادهم
11
ليلي خاڤت واتوترت ايه اقلع ليه
ادهم ليلي لو عايزه يكون في مستقبل بينا لازم تثقي فيا شويه... لا مش شويه لازم تثقي فيا كتير... اقلعي هدومك وانا هنشفهالك بسرعه وانا هخرج بره الحمام التاني وهغير هدومي انا كمان لاني مش قادر.. الچرح مولع ڼار
ادهم دولابي قدامك اختاري اي حاجه... صح فين التيشرت اللي اخدتيه قبل كده ولا نمتي عليه
ليلي نمت عليه عندك مانع
ادهم ابتسم لا معنديش انا هخرج بره الاوضه وانتي براحتك الاوضه بالحمام بالدولاب
يدوب هيخرج
ليلي استني
ادهم ايه
ليلي افتحلي البتاع ده قبل ما تخرج
وراها ازاي تفتحه وفتحه وخرج وحطلها مفتاح باب الاوضه من جوه علشان تقفل علي نفسها
راحت وراه وكانت هتقفل بالمفتاح بس قررت انها تثق فيه وهو فضل بره علشان يشوف هتقفل بالمفتاح ولا هتثق فيه وابتسم لما ما قفلتش
ليلي فتحت دولابه ومش عارفه تلبس ايه
وفي الاخر اختارت بنطلون قصير كده زي البرمودا اسود وتيشرت اسود بحمالات... تقريبا كده بادي عليه هو
واتمنت لو هو موجود معاها
اخدت شاور ولبست هدومه ونوعا ما كانت جميله فيها
ماسكه فوطه وبتحاول تنشف شعرها وخرجت بره كان هو في المطبخ واول ما شافها ابتسم
ادهم دي هدومي انا
ليلي جيباهم من دولابك
ادهم شكلهم حلو عليكي...
ليلي انا حلوه في اي حاجه
ادهم وهتبقي احلي لو من غير حاجه
كانت هتخبطه وهو ضحك جامد
ليلي علي فكره انت بتبقي امور قوي لما بتضحك
ادهم عارف ورأفه بالناس ما بضحكش كتير
ليلي ورخم جدا
ادهم برضه عارف... ما تعمليلنا قهوه زي اول يوم عملتيها فيه
ليلي عجبتك
ادهم جدا
ليلي هعملك قهوه
وقفت تعملها وهو واقف بيتفرج عليها ومبسوط وعمل هو كمان ساندوتشات ليهم
ادهم شعرك شكله مغري وهو مبلول
ليلي بصتله وضحكت عارفه وعلشان كده ما نشفتوش
ادهم ما بلاش
ليلي وليه بلاش هيجري ايه لو اغريتك
ادهم واحده جميله ومعاها واحد وفي شقه لوحدهم وتالتهم الشيطان عمال يحلق فوقهم هيا بتضحك وهيا بتغريه متخيله يجري ايه
ليلي لو هو بېخاف عليها يبقي مش هيجري اي حاجه
ادهم هو بېخاف عليها بس هو بشړ
ليلي هو ظابط مخابرات وما بتغريهوش اي واحده مهما تعمل ولا ايه يا
سياده المقدم
ادهم هو فعلا ما بتغريهوش اي واحده مهما تعمل الا دي... بتجننه بنظره... بتلغي عقله تماما...
ليلي بجد يا ادهم
ادهم بجد... والجد بقي ان القهوه بتفور وانا عايزها بوش
ليلي حاولت تلحقها بس فارت
ليلي اشربها من غير وش
ادهم هههه حاضر اشربها من غير وش... كفايه انها من ايديكي
قعدوا اكلوا وضحكوا هزروا وهو حط هدومها في المجفف ونشفهالها خالص وطبعا غيرتله علي جرحه
قعدوا قدام التلفزيون بيرغوا في اي كلام
ليلي شافت في ادهم انسان مختلف عن الكئيب اللي تعرفه... انسان جميل يتحب...
ليلي علي فكره انا اتأخرت جدا
ادهم علي فكره انا مش عايزك تمشي
ليلي بس لازم امشي
ادهم هشوفك ازاي وامتي
ليلي انا عندي شغل علي فكره
ادهم وانا في اجازه
ليلي خلاص يبقي انت تجيلي المهم انا لازم امشي وبينا تليفون ماشي
ادهم ماشي... هدومك علي السرير جوه ناشفه
ليلي ماشي
دخلت لبست هدومها وقلعت هدومه وفكرت انها تاخدهم معاها بس معرفتش تقولهم ايه لو سألوها علي الهدوم دي
خرجت لادهم
ليلي انا همشي سلام المضاد تاخده بعد ساعتين ماشي
ادهم ماشي يا دكتوره... يالا بينا
ليلي انت رايح فين
ادهم هوصلك
ليلي انت تعبان والمفروض ترتاح
قاطعها ادهم هوصلك فبلاش رغي كتير
نزل وفتحلها باب عربيته وبصتله وضحكوا الاتنين
ادهم اركبي يااللي مبتركبيش عربيات حد اركبي
ليلي هركب اهوه
ركب ودور واتحرك
ليلي انت كنت معترض علي ايه ساعتها معمريش ركبت عربيه حد
