رواية العنيد

حر
عم محمد لا ما انتاش حر ابدا طالما بقيت مسؤل تبقي مش حر... طالما مسؤل تعلم ناس يبقي مش حر لان طبيعي ان الطلبه تقلد استاذها
ادهم حضرتك جاي تديني درس في الاخلاق
عم محمد لا العفو يا باشا بس انا عايز ابني لان لو هما دول الضباط امثالك كده فانا ما يشرفنيش اني اقول ان ابني ضابط
لا اخلاق ولا دين ولا تربيه... يعربد طول الليل ويشرب ويسكر ويزني يبقي ما يشرفنيش ابدا ان ابني يبقي منهم
ادهم خلاص خد ابنك بعيد عنهم
عم محمد اتنرفز جامد علي ادهم ابوك معلمكش انك عيب ترد علي الكبير كده... معلمكش الادب والاخلاق مسك قزازه خمره وحدفها في الارض اتكسرت معلمكش ان الشرب ده حرام معلمكش ان السجاير دي مسكها ورماها مضره وتعتبر ذنب اصغر معلمكش ان الژنا من اكبر الكبائر
معلمكش انك لما تكون مسؤل لازم تكون قدوه انا مش عارف انت بتعلمهم ايه ازاي يشربوا ويسكروا ولا ازاي ياخد بنت معاهم السرير هو ده اللي بتعلمهلهم صح انت ظابط انت
ادهم خلصت كلامك
عم محمد لا مخلصتش... انا عايز اعرف انت ابوك فين ولا امك ولا متبريين منك من عمايلك السودا دي
هنا ادهم وصل للقمه عايز تعرف ابويا فين ابويا مېت خلاص ارتحت ابويا وامي ماټو وانا عندي عشر سنين وعلشان كده محدش علمني كل اللي انت قولته ده... خلاص محدش علمني اي حاجهوبعدين بتسالني انا ظابط ايوه ظابط واحمد ربنا ان انا ضابط لاني لو مكنتش ضابط كنت هبقي مچرم في الشوارع وساعتها كنت هحرق الدنيا دي كلها انا جوايا ڼار ملهاش اول من اخر فاهم جوايا ڼار لو خرجت مش هتخلي اخضر ولا يابس ودلوقتي بقي انا معرفش ابنك فين فاتفضل من هنا
عم محمد تربيه شوارع يعني! يبقي الواحد ما يستغربش انك تطردني او تعمل اكتر من كده يالا يا بنتي من هنا الجو والمكان هنا ۏسخ
خرجوا وسابوه قاعد مكانه مش قادر يتنفس او يتكلم او يقوم من مكانه من امتي بيطرد حد من بيته كده ولا بيرد كده ليه زعلان ان اب خاېف علي ابنه مش كل الناس زيه
ادهم قام بسرعه يلبس هدومه كان هيدوس علي القزاز فوقف لمه كله بايده... كان متغاظ جدا ومتنرفز جدا وكل كلمه الراجل قالها بيعيدها تاني
ادهم اخد باله انه بيضغط بكل قوته علي قزازه في ايده وان ايده اتعورت وبتجيب ډم كتير
قام بسرعه ومسك شاشه من علبه اسعفاته ولفها علي ايده بسرعه ولبس ونزل يجري علشان يحصلهم
نزل لقاهم ماشين يدوب علي ناصيه الشارع ركب عربيته وحصلهم بسرعه ووقف جنبهم
ادهم لو عايز ابنك اركب هوصلكم
عم محمد متشكر لخدماتك
ادهم عايز ابنك ولا مش عايزو اركب
عم محمد بص لبنته وفتحلها الباب ركبت وري وهو ركب قدام جنبه
ادهم بيسوق والكل ساكت بس عم محمد لاحظ ان ايد ادهم پتنزف والدم بينقط منها
حاول يتجاهله ويعمل مش واخد باله بس مقدرش
عم محمد علي فكره انت ايدك پتنزف
ادهم متشغلش بالك
بعد شويه ليلي متابعه ايده غلط ټنزف كده لازم
قاطعها ما تشغليش بالك يا دكتوره
ليلي ولو اغمي عليك وانت سايق كده بينا
ادهم بيضحك بغلب لا

ما تخافيش علي نفسك وعلي ابوكي مش بيغمي عليا من مجرد چرح كده
اخيرا وصلوا وهو فتح عربيته ونزل وبص لليلي
ادهم استنوني هنا... محدش يجي ورايا وثواني ونازل
ادهم بيبص لليلي علشان ما تخليش ابوها يطلع ويشوف منظر ابنه كده ليلي شاورت بدماغها انها فاهمه
ادهم طلع يجري لفوق وزق باب الشقه خلعه من مكانه ودخل للمكان اللي مصطفي فيه واتفاجئ مصطفي بنفسه بيوقع من علي السرير
ادهم مسك هدومه ورماها في وشه البس هدومك في اقل من دقيقه اتحرك
مصطفي بيلبس بسرعه علي فكره احنا لوحدنا مفيش اي بنات
ادهم البس وانجز
ادهم مسك قميصه وحدفه في وشه ومعطاهوش فرصه يقفل زرايره مسكه من هدومه وجرجره قدامه علي السلم لحد ما نزلوا لتحت ومصطفي مستغرب ليه كده
كان ابوليلي وهيا واقفين تحت وليلي بتحاول تمنع ابوها يطلع لانه لو شاف ابنه كده ممكن يروح فيها
ليلي انت مش حاسس انك زودتها قوي معاه ده ضابط له وزنه ومركزه وانت هزقته
عم محمد معرفتش امسك نفسي شاب في سن الورد يضيع شبابه كده وبعدين ندمت لما عرفت انه يتيم يالا ما علينا اهو اللي حصل
ادهم وصل لقدامهم ورمي مصطفي ناحيه ابوه
ادهم ابنك في حضنك اهوه... من هنا ورايح انت مسؤل عنه ومحدش ابدا يجي يدق بابي يسألني عنه مفهوم
بص لمصطفي انت يا ابني انت تشوفلك حد غيري لانك مالكش مكان عندي خلاص من هنا و رايح انت مش من رجالتي وبعدين انت بتعمل كده ليه هاه عندك عيله بتحبك وتخاف عليك.. عندك اخت بتيجي تسأل عليك وبتحبك وعندك اب ھيموت نفسه من خوفه عليك واكيد والدتك في البيت ھتموت من قلقها.. عايز ايه