قصة زوجة
كنت موجود لما عملتولي قاعدة علشان تغصبونا نتجوز .
قام ابو سارة و دخل اوضتنا دخلت وراه لقيته هيضربها قومت مسكت ايده وقولتله لأ حاسب دي في عصمة رجل ميصحش تمد ايدك عليها .
قالي دي بنتي وانا هربيها .
بنتك متربية احسن تربية ومعملتش حاجة غلط ومن الاخر كده اتفضلوا كلكم كل واحد يشوف مصلحته ومحدش له دعوة بينا .
امي قالتلي وانا كمان يا امير اطلع بره
خرجوا كلهم وقفلت الباب لقيت سارة بتقولي و دموعها علي خدودها انا مش عارفة اقولك ايه !! انا متشكرة اوي علي موقفك ده معايا .
طول ما انتي مراتي مش هسمح لأي حد يتعرضلك مهما كان .
انا اسفة اوي .
بتتأسفي ليه
لأ انتي مش السبب الظروف وعنادهم معنا هو السبب .
وفضلنا طول اليوم ده انا وسارة بدون اكل وكل شوية اشوف دموعها علي وشها واحاول اهديها .
وبعد العصر تقريبا امي خبطت علي الباب وقالت انتوا من ساعة الصبح من غير فطار مش هتتغدوا كمان
ولما انتوا قاعدين زي الاخوات قافلين ليه الباب علي نفسكم !!
يامه بعد اذنك اتفضلي ومش عاوز كلام في الموضوع ده .
طيب افتحوا الباب انا عاوزة اتكلم معاكم شوية يا ولاد .
قومت فتحت الباب وامي دخلت وكانت سارة پتبكي .
امي قعدت جنب سارة وقالتلها طيب انا عاوزة اعرف انتي پتبكي ليه دلوقتي !! ده انا اللي المفروض ابكي .سارة مش ردت عليها.
يا حبايبي هو انا مجوزاكم علشان اعذبكم ولا علشان تتهنوا وتعيشوا حياتكم زي باقي خلق الله !!
يامه انتي عارفه اننا احنا الاتنين اتجوزنا ڠصب مش بمزاجنا .
يعني هتفضلوا علي الوضع ده علطول
ايوه واحنا متفقين علي كده ومبسوطين كده .
ايوه .
انتي طبيعي يا بني ولا فيك حاجة
انتي بتقولي ايه يامه !!!
يا حبيبي مفيش رجل طبيعي يرضي يعيش كده .
انتي بتستفزيني يعني طيب يامه مش هتجوز طول عمري ولا اخلف ايه رأيك بقي
طيب ممكن اعرف يا سارة لو انتي اتطلقتي من امير دلوقتي مش هتفكري في الجواز طول عمرك
بيتهيألك يا حبيبتي انتي لسه مشوار العمر طويل اوي قدامك .
لأ ده قراري .
طيب انا هسيبلكم مهله سنة لو قدرتوا تفضلوا علي نفس الحال ابقوا اعملوا اللي يريحكم تطلقوا براحتكم ولو حبيتوا بعض وحصل انسجام وحبيتوا تكملوا مع بعض بردو براحتكم .
سارة ردت بسرعة انا موافقة .
وانا كمان رديت وانا موافق .
امي بس ليا شرط واحد بس علشان افضل راضية عنكم .
ايه هو
تفضلوا علي نفس وضعكم ده .يعني تفضلوا معايا هنا في نفس البيت وتناموا في نفس الاوضة لما السنة تخلص .
موافقين .
طيب هجيبلكم تتغدوا دلوقتي .
طيب ما نخرج بقي نتغدا معاكي .
لأ انا عاوزة احس ان ابني اتجوز وانا بدلعه هو ومراته . ملكش انت دعوة.
امي جابتلنا الغدا و اتغديت انا وسارة وبعد الغدا خرجنا قعدت بره العب في الموبايل وسارة قعدت مع ابنها وبدأنا ناخد حريتنا شوية .
وبعد حوالي نص ساعة جاءت صحبات سارة يسلموا عليها ويباركولنا .
قعدت سارة مع صحباتها يضحكوا ويهزوا ويتوشوشوا ويضحكوا وكانوا فاهمين اننا اسعد عرسان !!
وبعد شوية مشيوا لكن قبل ما يمشوا صحبتها هند اخدتها علي جنب وقالتلها مالك يا سارة شكلك كده في حاجة مخبياها !!
سارة لا ابدا مفيش . لكن سارة دموعها نزلت ڠصب عنها قدام هند .
هند طيب انا هجيلك تاني شكل الموضوع كبير .
مشيوا كلهم وبعد ربع ساعة رجعت هند وقعدت مع سارة لوحدهم ...
هند مالك يا سارة مخبية ايه ايه اللي مزعلك بالشكل ده .
سارة حكيتلها كل حاجة .
هند طيب وليه كده يا سارة نور الله يرحمه ماټ انتي لسه صغيرة و لازم تعيشي حياتك .
سارة مش عارفة يا هند من ساعة مۏت نور وانا حاسة ان حياتي انتهت مش هقدر اكون زوجة لرجل تاني .
هند امير جوزك شكله كويس وسيم وومهذب وكمان مواقفه معاكي تبين انه انسان شهم ومحترم عيشي حياتك يا سارة ومتحرميش نفسك ولا تحرميه من الدنيا .
سارة صعب يا هند انا لسه قلبي متعلق بنور الله يرحمه .
هند دي مسألة وقت وبكرة الحياة تاخدك وتنسي
