مكنتش بنام!

- وربنا كرمك بعدها؟
صدقني لو قولتلك إن مفيش مكان بروحه إلا وبحس إن كل اللي فيه مُسخرين لخدمتي، أقرب مثال في مرة كنت في مصيف مع زوجتي وولادي وابني كان بيغرق ومكنتش بعرف أعوم، كان قلبي بيتعصر من الۏجع فلاقيت شاب الله يباركله نزل بسرعة رهيبة وجابلي ابني ولما بصيتله لاقيت الشاب ده كان مريض عندي قبل كدا .. متخيل كرم ربنا؟

لسه هيكمل كلام ولاقيت السكرتيرة بتخبط وبتقول للدكتور سيادة اللواء مستينك بره، قومت من مكاني مڤزوع فضحك وقالي " متقلقش ده مريض عندي برضو "

- عارف يادكتور أنا بقالي شهر بلف على دكاترة ومرتحتش عند ولا واحد منهم؟!
عشان ربنا كاتبلي يكون ليا رزق عندك، عشان كدا أنا مطمن وواثق في ربنا ومتأكد إن لو رزقي في سابع أرض هيخرجه عشاني وعشان بتقن شغلي وبحس بغيري.

فلاقيتني بقوله بكل تلقائية " توصيني بإيه؟ "

رد بصوت هادي وقال "عاوزك تمشي على نهجين في حياتك"

١/ الخير هيتردلك أضعاف مضاعفة بطريقة ما وبتدابير عظيمة.

٢/ اياك تجري على حاجة مش ليك.

قولتله يعني إيه؟

حطلي آخر قطنة وبعدين طبطب على كتفي وقال:
" يعني محاولش تاخد رزق غيرك وخليك على يقين إن رزقك مستنيك في سماء قدرك، متبصش لبنت اتجوزت حد تاني، متزعلش على وظيفة راحت منك "

مترخصش نفسك في سبيل حاجة مش مكتوبالك.

لو كانت ليك كان ربنا سخرلك كل حاجة عشان تبقالك ♥

المكتوب باقي ♥🌿.
تابعوني

#واقعية
#كتابات_عزة_العمروسي