سمعت صوت صړيخ جامد

سمعت صوت صړېخ جامد عند جارتي مع صوت المطر والرعد الرهيب ..
فتحت باب الشقة وفضلت أخبط عليها لحد ما فتحتلي وهي مخضوضه جدا
قالتلي الحقيني إبني تعبان وأغمى عليه ودرجة حرارته عاليه جدا قولتلها ما تقلقيش هنوديه المستشفى قالتلي مش هينفع باباها راجل كبير وقعيد على كرسي عنده شلل نصفي ولازم يكون في حد معاه
قولتلها خلاص روحي وانا هقعد معاه لحد ما ترجعي شكرتني بسرعه ولبست هدومها وخدت إبنها ونزلت عالمستشفى .. أنا منة الله ..28 سنة متزوجة بقى لي 3 سنين بس ربنا ما رزقنيش بعيال .. روحت لدكاترة كتير بس برده ربنا لسه ما أردش

أنا عايشة مع جوزي عمر في شقة في منطقة راقية .. وجارتنا هدير موجودة من قبل ما نيجي بكتير وجوزها مټوفي وعايشه هي وابنها وباباها .. عمر جوزي دلوقتي في الشغل وانا ما ينفعش أسيب هدير في مشكلة وما أقفش جمبها لان اكيد هيجي يوم وتقف هي كمان جنبي
فضلت قاعدة في الصالة عندها ومستنيه باباها يصحى عشان أحطله الاكل زي ما قالتلي واديله الدواء اللي حطيتهولي على السفرة .. بعدها قولت أجيب موبايلي من الشقه عندي عشان اكلم عمر أعرفه طلعت لقيتني سيت المفتاح في البيت والموبايل جوه .. كده هرجع تاني شقة هدير واخلي ودني مع السلم لما اسمع صوت مفاتيح عمر هفتح واقوله
فضلت قاعدة أتفرج على بيتها انا ماكنتش بزورها كتير ولا هي كل واحد كان في حياته الخاصة بس بيتها جميل جدا وفي أنتيكات غاليه كتير .. قومت بصيت على كوميدينو كبير خشب مليان أدراج وفوقيه في بندقية متعلقه وصورها هي وابنها وباباها .. بعدها لمحت درج مفتوح فتحته وفضلت أقلب فيه انا عارفه اللي انا بعمله ده غلط
بس انا بحب أعرف شايله ايه ومش هسرق حاجه .. وانا بفتح في الادراج لقيت في حاجه غريبة فتحت الدرج بالراحه لقيت ورق كتير .. متشخبط عليه حروف منظر الورقه يخلي اي حد يقلق بسبب لونها الاصفر وشكلها المريب .. قلبت الورقه لقيت صورة باباها فجأة سمعت صوت حد بينده هدير يا هدير
اټخضېټ في الاول ورجعت الصورة وجريت مكان الصوت اول ما شافني اتخض قولتله انا منة جارتكم وحكيتله اللي حصل وبعدها ساعدته يقوم يقعد على الكرسي بتاعه الموضوع كان صعب بعدها دخل الحمام وجريت على المطبخ أسخن الاكل ..
وطلعت فتحت الدرج تاني عشان ارجع كل حاجه زي ما هي ودخلت الورق زي ماكان ورجعتها تاني وقفلت الدرج وقعدت عالسفره بعد ما حطيت الاكل ومستنيه باباها يطلع من الحمام فجأة سمعت صوت ضحك عالي جدا من جوة الحمام بطريقه هستيريه
مابقتش عارفه في ايه وبعدها الصوت اتحول لعياط جامد انا قلبي بدأ يدق بطريقه قوية