الكرسي المسکون بقلم حمادة زهران

مڤزوع لقيت نفسي في البيت ومتركبلي جهاز في رقبتي متوصل بالحنجرة جهاز يساعدني علي الكلام واټصدمت 
اټصدمت لما لقيت الكرسي معايا في البيت ازاي محصلهوش حاجه في الحريق ومين اللي جابه هنا.
حسيت بحاجه قعدت علي صدري وحاسس پألم فظيع في ضلوعي كأني بمۏت حرفيا مفيش ولا حرف قرآن عارف انطقه حسيت خلاص بأني روحي بتتسحب مني عرفت اتنفس بعدها طبيعي وقت مش كتير عدا بس حسيت انهم سنين عدوا.
انا كنت نايم في الصاله علي كنبه علشان أوضتي طبعا أتفحمت والأوضه من يومها مردومة تراب وضلمه لقيت حد عدى خرج من الحيطه ودخل في الحيطة التانية بس المرة دي بسرعة. 
الطرقه فيها الحمام والمطبخ نور المطبخ كان والع شوفت خيال حد على حيطه المطبخ كأنه واقف علي البوتجاز جسم ضخم ومفيش صوت كركبه ولا حلل قولت 
فيه حد في المطبخ
الخيال بدأ يتحرك وخرج من المطبخ على الصاله وبعدها أختفي.
أتبدل المكان وشوفت نفسي واقف قدام بيت مهدوم وشكله مخيف بأبواب متفحمة ظهر واحد نسخه طبق الأصل مني غرقان في العرق بتاعه ومش قادر يوقف مستقيم ووشه أزرق وكان بيمشي ويوقع لحد ما وصل عندي ووقع قدامي وكل ما يقرب مني ارجع لورا وأنا شامم منه ريحة كريهة لحد ما لصقت في حيطه ورايا 
قولت 
أنت مين بصلي وبكى بصوت عمري ما سمعت في بشاعته بعدين شوفته بيتجر من رجله وهو پيصرخ بصوت مزعج ومرعب لحد ما دخل البيت واتقفل عليه الباب.
صحيت من النوم مڤزوع الحمد لله كان كابوس مرعب بس لقيت نفسي في أوضتي المتفحمة. 
فضلت أستعيذ بالله من الشيطان الرجيم 
سمعت اصوات مرعبه جايه من بره الاوضه وظهرت نفس الخيالات السودا وبدأ ډم ينزل من السقف قومت خرجت من الاوضه وشغلت إذاعة القرآن الكريم في البيت بقيت أشوف حرايق في البيت بتولع وتطفي لوحدها ملهاش أي مصدر وسامع صوت صړاخ وصوت خطوات في الأوضه شوفت الكرسي بيتحرك لوحده ودخل في الأوضه والباب اترزع وراه.
بعدها جاني أبراهيم يزورني دخل سلم عليا باب الاوضه افتح إبراهيم لما شاف الكرسي كان باين عليه الخۏف.
قولتله 
خود الكرسي ده أنا مش عايزه من وقت ما أخدته منك الدنيا متشقلبة معايا هو إيه حكاية الكرسي ده يا أبراهيم 
أبراهيم كان متوتر وبيبص للكرسي بړعب شديد 
وبدأ يحكي 
من ٥ شهور واحد أتبرع بالكرسي اللي أنت أخدته للمستشفى واستلمناه احنا بتوع الامن وحطيناه جنب الكراسي الكرسي كان جديد بالنسبة للكراسي الموجودة وكل اللي داخل. معاه حاله يقعدها على الكرسي. 
دخل المستشفي واحد رجله مکسورة ومعاه أتنين مسندينه وقعدوه علي الكرسي الكرسي جري بالمكسور لوحده وخبط في الحيطة بقوة شديدة عمل للراجل كسر مضاعف ومره كمان جات بنت في العشرينات كانت حامل ومغمي عليها وأهلها جايبينها قسم النساء موجود في الدور التالت قعدوا البنت علي نفس الكرسي وركبوا الاسانسير واللى حصل يومها أنا شوفته بعيني لأني طلعت معاهم خرجنا من الاسانسير وكان اخو البنت اللي بيزق الكرسي وقفنا علي الكونتر لكن مكانش فيه حد موجود من التمريض فضلت أنادي عليهم لحد ما ردت واحده من التمريض وشوفناها جايه في أخر طرقة القسم اخو البنت ساب الكرسي وقرب وقف جنبي علي الكونتر وفجأة الكرسي أتحرك بالبنت لوحده وخرج من القسم كانت مسافة صغيره مش كبيره جريت أنا وأخو البنت لحقناها علي أخر لحظه كانت علي حافة السلم.
بعدها أخدنا تعليمات