الكرسي المسکون بقلم حمادة زهران

ان محدش يستخدم الكرسي.
وأتركن لكنه أتركن جنبي أنا كنت بشوف الكرسي بيتحرك لوحده 
وكتير من اللي كان شفتهم ليل في المستشفى شافوا الكرسي هو وبيتحرك لوحده انا اللي كنت أقرب واحد للكرسي علشان كده سألت عن اللي جاب الكرسي ده وعرفت ٣ قصص عليه معرفش أنهي فيهم اللي صح.
القصة الاولي كان في واحد في قرية مجاورة بدأ يشم ريحة كريهة قال لنفسه ممكن يكون قطة مېتة او فار مېت لكن كانت الريحة بتزيد عن اليوم اللي قبله الجار ده اتأكد من كل شبر في بيته علشان يتأكد من مصدر الريحة لكنه ملقيش أي حاجه وفي اليوم التالت قرر يخبط علي الجيران علشان يتأكد منهم عن مصدر الريحة واكتشف أن باقي الجيران كمان عايزين يعرفوا مصدر الريحة وكل واحد فيهم فتش بيته كويس كل بيوت الجيران مفيهاش حاجه إلا بيت واحد بس واللي كان ساكن في البيت ده واحده ست قعيده وللأسف أولادها بالأسبوع والاتنين مبيسئلوش عليها وكانت بتخدم نفسها وبتعمل كل حاجه لوحدها رغم أن رجلها مشلۏلة خبط واحد من الجيران علي بيت الست دي لكنها مش بترد اتجمعوا الجيران وكسروا الباب الريحة خبطت في وشهم ولقيوا الست چثة علي الكرسي ورنوا علي ولادها وجابوا طبيب شرعي واكتشفوا انها متوفيه من ٤أيام ۏفاة طبيعيه 
عيالها بعد كده نضفوا الكرسي كويس 
وعقموه واتبرعوا بيه في المستشفى 
القصة التانيه أن الست دي كانت غنيه جدا جدا وملهاش أي حد يسأل عنها لكنها مبتخلفش.
جوزها عنده مصنع ملابس وبيمتلك عقارات كتيرة.
وبعد ٣٥ سنه جواز الراجل عمل حاډثه هو ومراته هو ماټ ومراته عجزت الست بعد ما جوزها ماټ أكتشفت أنه متجوز عليها وعنده ٣ أولاد وبنت كلهم في العشرينات والست رغم عجزها إلا إنها كانت قوية جدا قررت تحرمهم من الميراث لأن جوزها قبل ما ېموت كان كاتب كل حاجه بأسمها.
ال٣ أخوات قرروا يموتوا الست وياخدوا فلوسها ودهبها فكر واحد فيهم وقال 
أنا عندي فكرة نخلص عليها من غير ما حد يحس بينا لا ومش بس كده هيقولوا عليها اڼتحرت.
واحد من اخواته قال 
اللي أنت بتقوله ده هيحصل أزاي.
قال 
عن طريق برشامة الغلة ندوبها علي الأكل اللي بتطلبه من بره.
الاخ التالت قال 
طيب هنوصلها الاكل ده أزاي.
صاحب الفكرة قال 
انا عندي فكره نوصل بيها الاكل من غير ما حد يشك.
الشاب اشتري وجبة من مطعم مشهور الست دايما بتطلب أوردرات منه وكان عامل حسابه في البرشامة ونفذ خطته وراح خبط علي باب الست فتحتلوا والست مكنتش تعرفه قدملها الوجبه وقال 
المطعم فتح فرع جديد وصاحب المطعم قرر يبعت وجبات مجانية لكل زباين المطعم وانتي كان حظك تكوني في القائمة.
بعدها الست ماټت ومحدش كان جنبها.
القصة الثالثه الست دي كانت بتاعت سحر سفلي وشعوذة والجن هو اللي مۏتها.
انا معرفش انهي قصه فيهم حقيقية بس كل اللي متأكد منه ان روح الست ساكنه في الكرسي.
وبقيت أخاف من الكرسي وعايز أتخلص منه بأي طريقة ولقيتك أنت بتكلمني وبتطلب مني اشوفلك كرسي وعلشان عارف ظروفك وعارف أنك مش هتعرف تجيب كرسي قولت ادهولك مكنتش فاكر ان كل ده هيحصل أنا أسف يا خالد سامحني.
خلص كلامه أبراهيم 
قولت 
منك لله يا أبراهيم انت تاخد الكرسي ده دلوقتي وتطلع بره ومشوفش وشك تاني. 
أبراهيم اخد الكرسي وخرج.
عدت ٥ سنين ٥ سنين وانا بعاني ليل ونهار اللي حصل معايا ده دخلني في
حالة نفسية شديده كوابيس وتهيوئات والناس بقيت تتعامل معايا علي أني شخص مچنون محدش يحب يقرب منه. 
الحرامية كانت بتدخل البيت تسرقني عيني عينك وانا مش قادر ادافع عن نفسي البيت كله اتنهب بقيت عايش علي البلاط ومحدش بيسأل عليا نهائي انا بقالي أسبوع دلوقتي من غير أكل أخر حاجه كلتها حتت كيكه جايبها من صندوق الژبالة.
أنا عايز أموت كل ده مش بسبب الكرسي بسبب بلدي اللي مش ليا المفروض أكون الأستاذ خالد عبدالرحمن مدرس الدراسات المرحلة الاعدادية وده حقي لكن للأسف بقيت المچنون المنهوب واللي ھيموت من الجوع .تمت .النهاية .حمادة زهران