قصة اليوم بعنوان "هل أنا بنت ست مش كويسة عشان طردْت مرات أخويا الحامل من بيتي ورقعْتها علقة؟"
انت في الصفحة 4 من 4 صفحات
معاه وأنا ركبت مع جوزي واتحركنا بعد ما دونا وأختها وصلوا واستلموا العيال وعدوهم بالراس!
وصلنا بيت آدم وخرج استقبلنا وكانت ماما وجوزها جوه بالفعل.
قعدنا واتكلمنا وهزرنا شوية ولارا جت وبصت لنا وبعدين سألت أمال فين الأولاد
قلت لها قرروا يعملوا حفلة نوم في البيت واحنا بصراحة ما صدقنا!
بان على وشها خيبة أمل حقيقية تبعتها بتعليق غريب أوي ويا ترى محتاجين كام حد عشان يراعيهم ده انتي عيالك ما يسيطرش عليهم غير الشديد القوي شوفي بقى ولاد بيتي كمان فوقيهم!
أنا عارفة إن اتنين من أولادي عندهم ADHD نقص الانتباه وفرط الحركة بس ده مش سبب مقنع يخليها تتكلم عليهم بشكل سيء!
بلعت تعليقها وقلت يا بت الست حامل بلاش تساوي وش أهلها بالأسفلت! ف لقيت بيتي قررت تغير الموضوع وبتقول لي على فكرة أنا هبقى العمة المفضلة للبيبي اللي جاي! وهتشوفي! مش احنا اخوات بس في حاجات لازم أتميز فيها عنك!
في لحظة صمت نزلت علينا كده وأكاد أجزم إن كل واحد قاعد على الترابيزة وقتها كان بيفكر يغزها بالشوكة في رقبتها! بيتي فعلا مش أختي البيولوجية آدم الأخ البيولوجي الوحيد ليا بيتي أصغر مني بسنة ولما ماما اتجوزت أبوها بقينا كلنا اخوات لأن كلنا كان عندنا رغبة وتقبل ل ده!
حسيت إني لو رديت عليها بكل ده وجوز ماما قاعد معانا ممكن أسبب حساسية أكبر وبالتالي ضغطت إيد بيتي بقوة وكأني بقول لها دي تعبانة في دماغها انتي أختي! بيتي بادلتني ضغطة الإيد وكأنها بتقول لي اللي تعبان في دماغه يتعالج ما يقعدش يقرف الأصحاء بكلامه اللي زي السم!
نمشي فين استنى بتقولك جايبين تورتة!
حاولت أدخل لقيته بيمنعني بجسمه! قلت له مينفعش أمشي كده طب خليني على الأقل أسلم على الناس!
تملصت منه واديته مقص حرامية عشان أعدي منه وادخل عشان ألاقي على ترابيزة السفرة تورتة بالفول السوداني ... فطيرة بزبدة الفول السوداني ... وكب كيك طبعا أكيد فهمتوا متغطس بالشوكولاتة اللي فيها فول سوداني!
بيتي كانت واقفة حاطة ايديها على بقها بذهول بينما لارا بصت للحلويات بانتصار وهي بتقول معلش بقى أصله عيد ميلادي ... والأكيد إنكم مش هتحكموا عليا في بيتي يوم عيد ميلادي آكل إيه وما اكلش إيه!
سمعت بيتي بتقول لها كلام على غرار يا بنت كوم شكاير السوسيووباث! بينما أنا كل اللي
جه في بالي نظرة خيبة الأمل اللي كانت على وشها لما لقيتني جيت من غير أولادي!
لارا كانت متعمدة تعرض حياة ابني للخطړ!
وبينما ماما فاقت بس وجهت كلامها ل آدم وهي بتسأله بحدة إيه العبط ده وآدم بيحلف إنه ميعرفش وإنه لو كان يعرف كان منعها أنا طرت من مكاني لعندها وفي حركة بهلوانية كنت سامعة فيها موسيقى دخلة چون سينا مسكت لارا من شعرها ودفست راسها في التورتة!
فضلت تحرك ايديها شمال ويمين كأنها پتتخنق ف بيتي قالت لي ما يصحش كده دي برضه مرات أخونا وشايلة ابنه خليها تاخد نفس ونزليها تاني زي مدام نادية الجندي وهي پتتعذب في كل أفلامها!
سحبت راس لارا ودفنتها المرة دي في الفطيرة اللي أعتقد كانت سخنة! في اللحظة دي حسيت بحاجة بترفعني من على الأرض! كان جوزي شالني أوبح عشان يحط حد للمهزلة دي! لما شالني لارا كانت بتصرخ وبتمد ايديها عشان تضربني شفت آدم بيمسكها عشان يمنعها من ده ... هنا بيتي شالت الفطيرة ولبستها ليها في وشها مرة واتنين وتلاتة!
كان مشهد عبثي وخناقة ولا خناقات الحارة المصرية!
لما خرجت كنت سامعة لارا بتصرخ إنها هتطلب البوليس وهتسجني! هنا جوز أمي صړخ فيها إنه ساكت لها من أول القعدة وإنها مش عاملة اعتبار لتصلب الشرايين اللي هو فيه!
بعد ما وصلت البيت وقفت بره وبدأت أقلع هدومي في الجراچ المقفول وجوزي كمان طلبت من دونا تجيب لنا مية وصابون واستحمينا في الجراچ لأني كنت خاېفة ألمس أي حاجة جوه البيت لأن هدومي جه فيها زبدة فول سوداني!
تاني يوم بيتي كلمتني قالت لي إن جوز ماما أبوها سمعها بما يكفي وقال لها الموضوع مالوش علاقة بالحمل انتي ما لقيتيش حد يربيكي! وإن آدم اعتذر لهم وهم خارجين عن تصرفاتها وهي كانت مڼهارة وبتصرخ فيه إنها مراته والمفروض ياخد صفها وده عيد ميلادها تاكل فيه اللي هي عايزاه!
ودلوقتي أنا عملت لها بلوك هي وآدم لغاية ما أعصابي تهدى من ناحيته.
أنا فعلا زعلانة إني مش هعرف ابن بنت أخويا أبدا ولا أولادي هيعرفوه ولا هتكون علاقتهم كويسة زي علاقتهم ب أولاد بيتي بس أعمل إيه! أمهم المختلة هي السبب.
ريديت
