قصة اليوم بعنوان "هل أنا بنت ست مش كويسة عشان طردْت مرات أخويا الحامل من بيتي ورقعْتها علقة؟"

جه عشان يلم حاجته لأن السنيورة لمت حاجتها هي بس وقال لي إنها حاسة اننا متحزمين ضدها! قلت له متحزمين إيه ونيلة إيه احنا في كباريه النجوم هنا! اسمها متحزبين انترڤيو إيه ونيلة إيه اللي بتروحه!
قال لي يا جاموسة متحزمين يعني واقفين حزمة واحدة قصادها! قلت له آه نسيب المصېبة الكبيرة ونمسك في متحزمين والا متحزبين!
آدم قال لي لارا تعبانة في دماغها بسبب هرمونات الحمل بس انتي برضه زودتيها معاها على كل حال احنا هنقعد ليلتين في فندق لغاية آخر انترڤيو وبعدها هيرجعوا بيتهم لغاية ما يجي له رد من الشركة!
قلت له طريقك أخضر!
بعدها بيومين لقيت لارا بتكلمني ... بصراحة بطني وجعتني أول ما شفت اسمها واتوترت ...
يا ترى بتكلمني ليه!
الجزء الأول
ريديت
قصة اليوم بعنوان هل أنا بنت ست مش كويسة عشان طردت مرات أخويا الحامل من بيتي ورقعتها علقة الجزء الثاني
مش هنكر إني رديت وأنا متحفزة نوعا قلت لها أيوه ... لقيتها داخلة ناعم وعاملة إيه وأخبار الولاد إيه!
كنت على آخري فعلا ف طلبت منها تقول لي هي متكلمة ليه ... لحظة صمت قبل ما تعتذر لي عن اللي حصل وإني عارفاها بقى لي سنتين وأكتر من قبل ما تتجوز آدم وإن الحمل فعلا تقيل عليها وعلى نفسيتها وإنها مرهقة وأقل حاجة بتخليها متعصبة وعايزة ټعيط! خصوصا إن أهلها في ولاية تانية وهي لوحدها تماما!
قلبي يا بنتي!
قلت لها إني متفهمة ده وكملت إزاي تقولي لوحدك إحنا موجودين ... ما يغركيش إني قفشت عليكي يا بت أنا بحبك!
وقعدت أحكي لها تجربتي في حمل أولادي التلاتة وإن الأمومة مش سهلة بس مستاهلة وإني سامحتها والله أنا مش زعلانة منها بل هو خوف لا إرادي على ابني لأنه فعليا ممكن ېموت ومرة كنت هخسره بالفعل!
وإن العيلة كلها كانت موجودة لأن ده حصل في تجمع في بيت ماما ف كلهم شافوا اللي حصل في ثانية وبالتالي هم بيردوا عن تجربة شافوها بعينيهم مش لأننا متحزمين ضدها!
قالت لي إيه جو سوق العبور ده ولا حزم ولا فرط اللي حصل حصل وصافي يا لبن حليب يا اشطة!
قلت لها لو يحبوا يرجعوا عندي بدل الفندق قالت لي إنهم رجعوا بيتهم لأن ال انترڤيو خلص وآدم مستني النتيجة ولو اتقبل هيشوفوا بيت قريب مننا ويبيعوا بيتهم.
قلت لها ربنا يولي من يصلح!
عرفت إنها كلمت ماما اعتذرت لها وأختي كمان.
والنبي البت لارا دي بنت حلال واحنا كنا فاهمينها غلط!
المهم على آخر الأسبوع لقيتها بتقول إن عيد ميلادها يوم السبت بالليل ف عايزانا نيجي نقضيه معاها.
لقيتها فرصة كويسة نلم الشمل واتفقت أنا وماما وأختي نروح كلنا بس يوم السبت أختي جت بدري قضت اليوم معايا وأولادها جم قالوا لي يا خالتو ممكن نعمل حفلة نوم هنا احنا بقى لنا كتير ما عملناش!
لقيت أولادي واقفين وراهم عاملين نفسهم قال يعني مش هم أصحاب الفكرة! قلت لهم ماشي! أختي قالت لي هيبقى في مشكلة قلت لها احنا نجيب البت دونا وأختها التوأم بيبي سترز للعيال واحنا نروح خفيف خفيف حتى نعرف نتبسط!
قالت لي على رأيك!
سبحان الله بمجرد ما طلعت أغير هدومي وأختي جت معايا عشان تلبس من عندي بدل ما ترجع بيتها نزلنا لقينا بطاطين مفروشة على الأرض في الليفنج ومخدات اتحطت وفرش اترص وفشار وآيس كريم والتليفزيون مفتوح على فيلم سبايدر مان وكلهم زايطين!
حلو برضه ربنا يلهيهم بعيد عننا!
جوز أختي وصل وركبت