اطلق مراتي ولا اختي

الناس دي انا صدمتي فيهم كبيرة
الام 
معلش ربنا يحلها من عنده واحنا مش هنسكت غير لما تاخدي حقك منهم بس انا شايفه ان جوزك ملوش دعوه بحاجة
رحاب 
ازاى ملوش دعوة بحاجة ده هو اللي اداهم الفرصه انهم يعملو فيا كده ويرموني بره شقتي والبجاحة واخده حقها معاهم اوي اوي
الام 
انا مستغربة من عمايلهم دي بصراحة
رحاب 
متستغربيش يا ماما لأنهم ناس واطيه وتوقعي منهم اي حاجة
وعند مراد كان عند فيفي وقال لها
مراتي دي بومة وأهلها كمان ناس بومة ومنكدين عليا دايما كده
فيفي
طيب ما طلقها ياروحي ايه اللي غصبك عليها بس دي متستاهلش واحد زيك يامودي قولت لك اتجوزني وانا هعيشك ملك زمانك
مراد
انا شكلي فعلا هطلقها لو هي مخلتش مرات اخوها تتنازل عن المحضر ده هو انا ناقص بهدله في الأقسام عشان خاطرها هي ومرات اخوها
فيفي
بس البت مرات اخوها طلعت ناصحة برضو لما عملت كده وراحت القسم ماهي بقا قالت انا مفيش حد يجيب لي حقي اخلي الحكومة تجيب لي حقي
مراد
اه والآخر تيجي على دماغي انا مش كده
فيفي
لا ماهو انت اللي متجوز واحده واطيه انا مالي
مراد
وبعدين معاكي يافيفي انا مش ناقصك انتي كمان ماشي
ونزلت أميرة لأمها وقالت لها
شوفت مرات ابنك هتسبب في طلاقي انا عايزة افهم هي عايزة مني ايه بالمحضر اللي هي عملاه ده
الام
انا هتصل باخوكي واقوله انها لازم تروح تتنازل وفعلا اتصلت باسامة وقالت له
ماهو لو مراتك متنازلتش انا مش هعرفك تاني يا اسامة
أسامة
هي مش عايزة تتنازل اعمل لها ايه وبعدين دي طالبه الطلاق
الام
خلاص يبقا تطلقها وتخلص من قرفها بقا انما اختك مش تطلق بسببها يا اسامة
أسامة
واختي هتطلق بسببها ليه
الام
ايوه مراد جوز اختك متبهدل في الاقسام رايح جاي هو واختك بسبب المحضر اللي مراتك عملاه فيهم ولو مراتك متنازلتش اختك هتطلق
أسامة
طيب وانا لو طلقت رحاب برضو مش هتتنازل عن المحضر دي راكبه دماغها وعايزة تحبس بنتك وجوزها اعمل ايه وكمان هجيب لها منين الحاجات اللي في القايمة بتاعتها وبنتك استخدمت العفش بتاعها
الام
اتصرف يا اسامة اتصرف المهم ان البت دي مش هتدخل بيتنا تاني
وقفلت معاه وفضل يفكر يعمل ايه في المشكله اللي هو فيها دي اتصل بيها تاني وقالت له
انا مش هتنازل وانت هطلقني يعني هطلقني وانا مش عايزة اسمع صوتك تاني
واتصل أسامة باحمد صاحبة وحكي له كل اللي حصل واحمد قاله
على فكرة مراتك مش غلطانة ومامتك واختك تصرفهم مش كويس ازاى اختك تاخد شقتك وتطرد مراتك وانت تسكت
أسامة
ماهي مراتي عملت فيهم محضر وبهدلاهم وانا بصراحة مش هبيقها على امي واختي انا عايزة اعمل حاجة وانت هتساعدني فيها
احمد فتح المسجل في تليفونة وقاله 
حاجة ايه دي يا اسامة
أسامة
انا عايز اعملها قضية شرف يا احمد عايز انتقم منها بقضية زي كده
احمد
انت بتقول ايه انت فاهم كلامك ده كويس انت لو راجل يا اسامة مكنتش تقول على مراتك وام ابنك اللي جاي كده
أسامة
جرا ايه يا احمد انت ازاى تكلمني كده
احمد
اومال عايزني اكلمك ازاى والله انت خسارة فيك الكلام اصلا يلا اقفل انا مايشرفنيش اعرف واحد زيك
وراح احمد لرحاب وأهلها وقال لها كل اللي حصل من أسامة وقالت له
انت كداب وانا عمر جوزي مايعمل كده ابدا
أحمد
طيب اسمعي صوتة كده وانتي هتعرفي انا كداب ولا لا
وفعلا احمد سمع التسجيل بتاع المكالمة لرحاب وابوها وامها واڼهارت رحاب وقالت
الواطي الندل انا كنت عايشة مع مين
احمد
انتي بالتسجيل ده تقدري ترفعي قضية طلاق عليه وتاخدي كل حقوقك منه
وراحت هي واحمد وفعلا رفعت قضية خلع
على أسامة وكسبتها واطلقت واخدت منه كل حاجة في العفش بتاعها
أميرة اتسجنت بسبب التعدي على رحاب بس طلعت بعد شهرين ورجعت البيت لقت مراد جايب فيفي معاه في الشقه وقالت له
مين دي يامراد انت جايب واحده ست الشقه
فيفي
اه ياحبيبتي اصل مودي مش هيفضل مع واحده رد سجون زيك ماشي وهو اصلا طلقك
أميرة
اه ياواطي ده انا عملت كل ده عشان وبعدين دي شقتي
مراد
ما انا عارف انها شقتك وعشان كده انا همشي ومش هتشوفيني تاني
ومشي مراد راح عند فيفي واميرة نزلت عند امها واڼهارت من العياط
رحاب ولدت وجابت ولد وقررت تعيش حياتها لابنها وبس بعد ما احمد اتقدم لها ورفصته
وبكده تكون خلصت حكايتنا