اطلق مراتي ولا اختي
وكانت وقتها رحاب مڼهاره وحكت لأسامة كل حاجة
وقفل معاها واتصل بامها وقال لها
ايه يا أمي اللي انتو عملتوه في مراتي ده هو صحيح أميرة ضړبتها وطردتها وبعدين ازاى بنتك تغير كالون الشقه
الام
هو انا مش قولت لك متخليش مراتك تيجي البيت يا اسامة وقولت لك خليها تروح على بيت امها ايه اللي جابها هنا مش فاهمة
يا أمي ماهي شقتها برضو يعنى هي كانت عايزة تروح بيتها هاقول لها لا متروحيش انا قولت لها وهي راحت وخلاص ازاى أميرة تعمل فيها كده وباي حق
الام
بحق انها اختك وليها الحق تعمل مابدالها جرا ايه يا اسامة انت هتبقي مراتك على اختك وبعدين انا سبق وقولت لك انك الراجل رماها في الشارع هي وجوزها وعيالها
أسامة
الام
بقولك ايه يا اسامة اختك تعمل اللي هي عايزاه وبعدين قعدت في شقتك مفيهاش حاجه وعشان تبقا عارف ان مراتك راحت عملت محضر في اختك بالتعدي عليها
أسامة
يانهار اسود ازاى حصل ده كل ده يحصل في يوم مراتي تنزل في مصر والله مش عارف ايه اللي بيحصل ده
انتي تخليها تروح تتنازل عن المحضر اللي عملته في اختك والا لا انت ابني ولا انا اعرفك انت سامع ولا لا
وقفل مع أمه واتصل على رحاب وقال لها
انتي ازاى تروحي تعملي محضر في اختي انتي اټجننتي في عقلك يا رحاب ولا ايه ازاى تعملي كده
رحاب
يعني كنت اختك تضربني وتطردني من شقتي ومش عايزني اخد حقي كمان انت مش عارف هما عاملوني ازاى اذا كانت اختك ولا مامتك يا اسامة
طيب وحياتي عندك يارحاب تروحي تتنازلي عن المحضر ده ارجوكي
رحاب
انا مش هتنازل عن حاجة وطالما انت مش عارف تجيب لي حقي منهم انا هاخد حقي بالقانون يا اسامة
أسامة
انتي كده بتتحديني انا يا رحاب انا مش عارف ايه اللي جرا لك بس
رحاب
اللي جرا لي اني عرفتك على حقيقتك انت ومامتك واختك انت ضحكت عليا واتجوزتني واخدتني معاك بره البلد علشان امك واختك ياخدو الشقه بالعفش بتاعي اللي بابا جابهولي من تعبه وشقاه وجاي دلوقتي تقولي اتنازل عن حقي لا طبعا
انتي ازاى تتكلمي معايا كده انا مضحكتش عليكي انا مليش ذنب في اي حاجه حصلت
رحاب
لا ليك وعشان كده انت لازم تطلقني وتنساني خالص وتعتبر اننا متجوزناش وقفلت في وشه الخط
وابوها قال لها
ماينفعش تاخدي قرار زي ده وانتي متعصبة يارحاب يابنتي مهما ان كان ده جوزك
رحاب
لا يا بابا ماتقولش جوزي عشان اللي انا شوفته من أمه واخته خلوني ندمت على كل لحظه عشتها معاه وانا مش هرجع له تاني خلاص
وبعدين بقا ياهانم هو انا هفضل كل يوم والتاني في القسم بيتحقق معايا بسبب انتي ومرات اخوكي لا بقا ده كده كتير الموضوع ده لو متحلش انا هطلقك
أميرة
طيب وانا اعمل ايه يامراد ماهي اللي مش عايزة تتنازل عن المحضر انا ذنبي ايه بس
مراد
مليش دعوة انا مليش في الأقسام والبهدله دي انتي لازم تلاقي حل
أميرة
حاضر انا هكلم ماما واخليها تكلم اخويا وتشوف حل معاه هو ومراته بس متزعلش نفسك انت بس ياحبيبي
وعند رحاب كانت قاعده حزينة امها دخلت عندها وقالت
وبعدين معاكي يارحاب انتي هتفضلي قاعده زعلانة كده وقافله على نفسك مش هينفع كده غلط على صحتك والحمل
رحاب
انا مصډومة من اللي بيحصل ياماما ليه يعملو فيا كده دول مش بني ادمين دول ايه
