يسكن معها جمال الحفني

وهو بيتحول لشكل إنسان عشان مخافش فجأة صوت عم صاحبتي نادى عليه باسمه وطبعا مش هينفع أقوله هو بص ناحية الصوت باستغراب ودهشة وبصلي واختفى زي الدخان الأسود.
فجأة المكان اللي أنا قاعدة فيه اتغير الحيطان قديمة جدا وعليها عنكبوت في كل حته الأرضية مليانة ژبالة ولونها أسود السرير اللي قاعدة عليه مرتبته متقطعة ومتبهدلة والسرير مكسور أصلا قومت خرجت من الأوضة القصر اللي أنا فيه كله قديم والأوض كلها مفتوحة ملهاش أبواب ومفيش إضاءة جريت بره القصر وأنا بحاول أوصل للبوابة كل حاجه حواليا كانت قديمة جدا كإن القصر مهجور من مئات السنين بصيت على المخرج بتاع القصر وجريت ونفسي مقطوع وأنا بحاول أسبق الزمن قبل ما الشاب دا يطلعلي جريت وجريت والباب كان بيبعد عني كإني بجري في مكاني وفجأة لقيته واقف قدام المخرج كان بيبصلي پغضب وحب في نفس الوقت بإشارة منه بقيت عنده بيني وبينه شبر ظهرلي بشكله الحقيقي المرعب بجلده وقرونه فجأة حضڼي جدا من شدة الحضن حسيت إنه بيحضن العضم بتاعي صړخت وصړخت وبعدها صحيت.
الجزء العاشر قصة حقيقية
يسكن_معها
يتبع
جمال الحفني
الجزء الاخير 
بعد ما حلمت بالکابوس دا تاني يوم رحت لعم صاحبتني واللي فعلا كلامه اتحقق وحلمت بالحلم ورحت عشان أحكيهوله المرة دي كنت لوحدي صاحبتي مكانتش معايا استقبلني هو ومراته اللي قعدت معانا طول الفترة اللي قعدتها هناك.
حكيتله الحلم وقولتله إني سمعت صوتك بتنده على الجني باسمه خلال الحلم هز راسه بوقار وقالي أيوه ندهت عليه باسمه لإني مكنتش أعرفه لما شوفته أول مرة ولما لاحظ الاستغراب وعدم الفهم عليا قالي لما كنتي عندي امبارح وقريت عليكي شوفته ظهر في ركن الأوضة اللي احنا قاعدين فيها دلوقتي وشاورلي بإيده على الركن اللي ظهر فيه كمل كلامه وقال كان واقف وبيبص عليا ومتضايق من اللي بعمله وقبل ما أعرف هو مين وقبيلته إيه اختفى وعشان تكوني عارفه هو بيتواصل عن طريقك فقط يعني مش بيكون متلبسك ودا اللي خلاكي طول الوقت متشكيش إنك ممسوسة.
والحكاية وما فيها يا بنتي إن الجن دا كان معاكي لحظة بلحظة من يوم ولادتك كان متابعك لحظة بلحظة وانتي بتكبري ولما كان أي حد بيحاول يصاحبك أو يقرب منك كان بيبعده عنك وظهرلك على هيئة الولد الصغير اللي في سنك واللي كان بيكلمك وانتي صغيرة عند الشجرة عشان يفضل معاكي طول الوقت ومتتعلقيش بحد غيره وهو نفسه اللي كان بيظهرلك في الحلم ويحميكي في كل مرة زي ما حصل معاكي.
والكوابيس اللي كنتي بتشوفيها دي كانت بسبب سحر أسود معمولك بداية مفعوله كان اللي حصل معاكي عند الجبل وهنا الجني دا بدأ يتدخل ويحميكي هو بالمناسبة جن مسلم والمسلمين عندهم زي عندنا بالظبط فيه منهم الملتزم وفيه منهم اللي لأ ودا طبعا تفسير قراءتك لسورة يوسف كاملة وانتي صغيرة من غير ما تكوني حافظاها حتى لو تلاحظي إن طول فترة حياتك لما كنتي تقري قران أو تصلي مكانش بيحصلك حاجه زي ما بيحصل لمعظم الناس اللي بيكون معاهم جن كافر ويبدأ يتشنج بمجرد ما يسمع شيخ بيقرا عليه قران.
قالي كمان عن حلم حلمته وأنا نسيت أحكيهوله امبارح وسط الكلام الكتير اللي قولته الجني دا في مرة من المرات وسط الحلم كتفني وشربني مادة صفرا من زجاجة صغيرة قالي إن المادة دي هي أكبر مشكلة أنا فيها دلوقتي وهي اللي هتصعب علاجي.
كمل كلامه بنبرته الهادية وقال يا بنتي دا جن عاشق أبوه ملك خادم السبع أيام واليوم اللي كان بيحصل فيه معاكي حاجات كتير بيكون يومه هو عشان بيكون في اليوم دا أقوى وعمل طقوس زواجه منك والأحلام اللي كنتي بتحلميها إن معاكي أطفال كان بيصورهالك هو عشان تتقبلي فكرة الأمومة والزواج منه مع إنه عارف إن دا ممنوع عندنا وعندهم.
أما بقى انتقالك معاه بروحك وانتقال الإنسان في الأحلام عموما في المواقف دي بروحه وإحساسه إنه عايش الحقيقية فعلا دا يعتبر موضوع كبير وتفاصيله أكبر ومش مهم تعرفيها دلوقتي.
أما اللي كنتي تشوفيهم معاكي في الشقة وواخدين راحتهم وسط الضباب كإنك انتي اللي ضيفة عندهم مش العكس دول عشيرته أمرهم إنهم يبقوا معاكي وحواليكي ويحموكي بس زي ما فيه منهم اللي بينفذ الأوامر فيه منهم الخبيث اللي كان بيعلي التليفزيون ويغير محطات الراديو زي ما كان بيحصل معاكي ويخوف قرايبك من زيارتك.
وطبعا ممكن تكوني خمنتي إن الست اللي بتشوفيها في الكوابيس بشكل وحش وشعر كله تراب دي واحدة من قبيلته بتحبه وبتغير منك عشان شايفاه بيهتم بيكي انتي وعشان كدا كانت بتظهرلك في كل مرة وتحاول تإذيكي وهو كان كل مرة بينقذك.
حتى أهلك كان ممكن يأذيهم بسببك خاصة أخوكي والموقف اللي حصل معاكي وقالوا إن صوتك اتحول لصوت وحش ورحتي الحمام وقعدتي تزومي زي الحيوانات كان عاوز يستدرج أخوكي للحمام ولو أخوكي كان دخل وراكي فعلا مكانش هيحصله خير بس ربنا سترها وأخوكي وباقي أهلك استنوكي بره في الصالة لحد ما خرجتي لوحدك وأغمى عليكي.
وجوزك يعتبر سبب من الأسباب لكل اللي حصلك إهماله ليكي خلاكي تستسلمي للجني دا وقدرته وسيطرته عليكي زادوا بالتدريج.
بعدها قالي أوعدك إنك بعد الجلسة دي هتتحسني كتير جدا لكن الأمر راجع لقوة إيمانك وثقتك في نفسك مش هتشوفي أي كوابيس تاني بس ساعدي نفسك زي مانا هحاول أساعدك دلوقتي.
وبدأت رحلة العلاج ...
قال بسم الله ومسك إيد مراته وحطها على راسي كحاجز بيني وبينه وبدأ يقرأ 
بالتدريج بقيت أحس بدوخان وإن راسي تقيلة جدا غمضت عيني واستسلمت للي بيحصل كنت سامع صوت شبيه بحد ماسك مرزبه ضخمة وبيضرب بيها على صفيح حديد بشكل متكرر الصوت وتردده كان قوي جدا غمضت عيني أكتر سمعت صوت همهمة أشخاص وبالتدريج بدأت توضح كانوا بيتكلموا لغة عربية فصحى وبيتناقشوا بصوت عالي أقرب للخناق لكن من شدة تعبي والصداع محفظتش ولا كلمة من اللي قالوه.
بعدها للأسف سمعت صوت شاب بيبكي بۏجع وحزن كانت دموع حد مجروح وهيتخلى عن حبيبه أنا كمان بدأت أبكي زيه بنفس حړقة بكاه تقريبا حسيت إنه قريب مني وشنا احنا الاتنين كان قصاد بعض وبنبكي مع بعض كنت بشهق زي الأطفال.
بعد وقت قصير كل الأصوات اختفت فتحت عنيا بهدوء على صوت مراته وهي بتصحيني وجايبالي مشروب بارد شربته حسيت إني خفيفة زي الريشة حسيت إني اتغيرت شكرتهم جدا وخرجت وأنا ناوية أغير حياتي.
طلبت الانفصال من زوجي وبعد فترة تردد منه تم الانفصال وحاليا عايشه مع أبويا وبنتي اللي تعتبر كل حياتي واديتها كل طاقتي ومجهودي وقررت أخليها تعيش حياة أحسن من حياتي حصلت بعض الكوابيس كل فترة والتانية لكن بشكل عابر ومش مهم أحكيها حياتي اتحسنت والحمد لله على كل شئ.
الجزء الحادي عشر
قصة حقيقية
انتهى
جمال الحفني