قصة اليوم بعنوان "هل أنا بنت ست مش كويسة عشان طردْت مرات أخويا الحامل من بيتي ورقعْتها علقة؟"

قصة اليوم بعنوان هل أنا بنت ست مش كويسة عشان طردت مرات أخويا الحامل من بيتي 
تقول صاحبة الرسالة ...
اسمي سيلين عمري 39 سنة متجوزة من 10 سنين وعندي 3 أطفال.
علاقتي بأهلي واخواتي كويسة جدا جدا العلاقة اللي ما غيرهاش دخول أي طرف جديد في العيلة زي ما بيحصل في العائلات التانية.
كمان احنا مترابطين بالنسبة للأسر التانية يعني العشاء عند ماما مرة كل شهر ده شيء أساسي وثابت الأعياد والمناسبات دايما متجمعين.
لما خلفت ابني رون دلوقتي عنده 8 سنين اكتشفنا إن عنده حساسية سيئة جدا من الفول السوداني تحديدا! يعني حساسية المكسرات ممكن تسبب مشاكل بس في الملموم لكن الفول السوداني ممكن يموته!

عرفنا ده بالطريقة الصعبة لما في عزومة كان ھيموت مني فعلا المشكلة إن كل أنواع التواصل مع الفول السوداني بتسبب نفس المشكلة يعني مش لازم ياكله كفاية ېلمس معلقة عليها آثار فول سوداني عشان زوره يتقفل ويتخنق في دقايق!
بعد التفصيلة دي ما اتعرفت طبعا أصبح الكل حذر جدا في المناسبات والتجمعات ما يكونش متواجد أي فول سوداني ماما أخدت الموضوع لمستوى أعلى وما بقيتش تدخل الفول السوداني ولا الزبدة بتاعته بيتها على الرغم من إن ساندوتش زبدة الفول السوداني بمربى الفراولة هو المفضل عند جوزها!
لما قلت لها إني مضطرة أعمل كده عشان هو عايش في البيت معايا لكنها مش مضطرة ل ده قالت لي إنها مش هتغامر!
جوز ماما على الرغم من طبيعته الصلبة القوية الحازمة ما قدرش ينطق!
ونيجي بقى لأخويا آدم ومراته لارا.
آدم اتجوز لارا من سنتين والحقيقة إن علاقتنا بيها كويسة عادي بتيجي التجمعات بنهزر ونضحك لو طلبت حاجة بنعملها وكده الفكرة إنهم عايشين على أطراف المدينة يعني بعاد عننا نوعا وعلى الرغم من كده كانت مهتمة إنها تيجي التجمعات العائلية والأعياد.
آدم أخويا جاله فرصة شغل في قلب المدينة الفرصة دي هتطلب انترڤيو على مراحل لأنه فيه جزء تقني وبالتالي كلمنا إنه محتاج يقيم في بيت حد فينا أسبوع بمراته عشان يكون قريب للشركة لأنه مش عايز يسوق ساعة ونص في الطريق وهو جاي ال انترڤيو وهيكون متوتر كفاية.
جوز ماما مدخن ولارا حامل بالتالي كان الأوقع إنهم يقيموا في بيتي أو بيت أختنا بيتي بس بيت بيتي أصغر ف أنا قلت له عندي أوضة ضيوف تعالى عندي يا آدم يا أخويا إن ما شالتكش الأرض أشيلك فوق دماغي ... بس على الله مراتك لما تخلف ما تخليش العيال يقولوا عليا عمتو الحرباية.
بالفعل جه آدم ولارا واستقروا في الأوضة اللي كانت بحمام خاص للخصوصية ونضفتها بعناية وفرشتها بفرش نضيف وعملت باسكت فاكهة كده قال يعني استقبال فندقي.
الحقيقة لارا كانت مبسوطة جدا وقعدت تشكرني وآدم كمان شكرني جدا إني عملت كل ما في وسعي عشان أحسسهم بالترحاب في بيتي.
بعد يومين بالظبط لقيت لارا داخلة من بره بشنطة مشتريات للمطبخ قلت لها يا حبيبتي مفيش داعي خير أخويا سابق ده احنا لو ما شالتكوش الأرض أشيلكم فوق راسي وأنا في ديك الساعة أما أضايفكم كام يوم
قالت لي جميلك على راسي يا أختي وبيتكم بيت خير وكرم بس أنا الحمل عامل لي نهم لحاجات معينة مش موجودة في البيت قلت أجيبها لنفسي وكفاية متقلين عليكم ...
وطلعت من الشنطة علبة فول سوداني كبيرة وفول سوداني متغطي بالشوكولاتة وشوكولاتة محشية فول سوداني! وموز وفراولة!
انتي حامل في قرد والا إيه!
لما لقت على وشي تعبير