قصة اليوم بعنوان "هل أنا بنت ست مش كويسة عشان طردْت مرات أخويا الحامل من بيتي ورقعْتها علقة؟"

ذهول قالت لي أنا عارفة ما تقلقيش مش هخلي أي حاجة تشم ريحة الفول السوداني خالص أنا عارفة ما تقلقيش بس معلش ڠصب عني انتي مجربة الحمل وعارفة!
ولأني قلبي طيب وحنينة قلت لها طيب بس أرجوكي خدي بالك أقولك خدي الحاجة دي كلها جوه أوضتك قالت لي طيب.
وعدى اليوم.
تاني يوم الصبح صاحية متأخر شوية لأن جوزي كان هو اللي صحي أخد الأولاد للمدرسة لقيت ترابيزة المطبخ متبعتر عليها كل مشتريات امبارح! علبة زبدة الفول السوداني مفتوحة ومتسابة طبق فيه زبدة فول سوداني ونص موزة وكام فراولاية متاكل منهم سکينة مرمية على الترابيزة غرقانة فول سوداني!
الهلع خلاني للحظة اتجمدت في مكاني وواحدة واحدة بدأت أهدى لما افتكرت إن ابني في المدرسة!
لمېت كل حاجة بل وحاجتنا كمان اللي كانت في التلاجة والمطبخ! معنديش استعداد أغامر بلمسة! وجبت طبق كبير مليته مية ومنظف وبدأت أغسل التلاجة جوه وبره والمطبخ كله!
لارا صحيت لقيتني لامة الحاجة في أكياس كبيرة قالت لي إيه ده قلت لها أبدا تشكري يا بنت الأصول ياللي كنتي ھتموتي ابني بسبب استهتارك وأنانيتك!
قالت لي انتي ازاي تكلميني كده انتي مش عارفة اني حامل!
قلت لها هو إيه اللي حامل حامل حامل اللقب يعني ما كلنا حملنا واتوحمنا وخلفنا واني قمت من الولادة عملت المغات وبوست ايد عمتي أخت جوزي انها جت تزورني لكن العيب مش عليكي! العيب عليا أنا اللي عمالة أدلع فيكي وسايبة لك السايب في السايب صحيح يا ولااااا ...
قالت لي ما هو فعلا بيتك ده ما يتقالش عليه غير زريبة!
قلت لها هاو فاكين دير يو يا بنت بياعة الجبنة القريش! ده انتي أمك كانت بتأكلكم بواقي الجبنة اللي ما اتباعتش فطار وغدا وعشا!
قالت لي مامي كانت بتأكلنا كوتيج تشيز! قلت لها ما هي هياها يا بنت كوم شكاير خريجي الفرنسسكان!
هنا لارا جريت سحبت شنطة البقالة كلها ودخلت أوضتها ولمت شنطها ومشيت!
ياللا السكة اللي تودي!
نص ساعة ولقيت آدم أخويا بيكلمني وهو متضايق وبيسألني إيه اللي حصل! طبعا العقربة لحقت تبخ له!
رحت معيطة وقلت له يعني يرضيك يا أخويا أختك تتهان في بيتها مراتك شتمتني وقالت إن بيتي زريبة! دي آخرتها
قال لي ليه قالت لك كده قلت له ما تغيرش الموضوع وارمي عليها اليمين!
آدم قفل معايا وبعدها ماما كلمتني!
طبعا لحقت تجري تبخ لهم سمها!
عرفت إن لارا طلعت على بيت ماما وجوز ماما كان هناك للحظ! الطريف بقى إنها ما عملتش أي مونتاج للأحداث بل قالت الحقيقة كاملة! تحذيري لها إنها سابت الحاجة على ترابيزة المطبخ لأنها جاعت بالليل وقامت أكلت ورجعت نامت وكانت مستنية تصحى عشان تشيل الحاجة لكني اتفتحت فيها وطفحتها اللقمة!
ماما انفعلت جدا واديتها من المنقي خيار على استهتارها وازاي إنها عرضت حياة ابني للخطړ وكمان هي اللي زعلانة! لما جت ترد على ماما جوز ماما زعق فيها وقال لها انتي يا بت مش عاملة احترام لالتهاب مفاصلي! بتقولك الواد عنده الحساسة في البساسة ما كتر خير عمتك انها استضافتكم في بيتها أصلا!
أختي كلمتني وقعدت تقول لي إن صوت جوز أمي كان واصل عندها في بيتها هي ساكنة في البيت اللي جنب ماما وإن لارا خرجت معيطة وراحت عندها وقتها أختي قالت لها العمة ما ينعملش فيها كده العمة تنشال على الراس هي ما عملتش فيكي حاجة شينة أني أختيها وعايزة حجيها!
لارا خرجت من عندها على فندق وبالليل آدم